LUTUV NETWORK OF AMERICA (LNA) Contact: [email protected] (Hlun Thang, President), [email protected] (Chan Luai, LF)

Upat mi Unau, Miphun vialte a sertu Bawipa Pathian nih Lutuv miphun cu miphun tling pakhat ah a kan ser ve i u le nau tampi in thluachuah a kan pek. Toh mi ram zong Bawipaa tlang le Sarhmun tlang karlak ah a kan pe i khua a kan sa ter. Nunphung le Bia / Holh le Hla tlamtling te in a kan pek. Nihin tiang a hmun tertu hi kan Pathian a si. Lutuv miphun a ngeitu le Lutuv ram a ngeitu cu Lutuv minung kan si rualrual in zohkhenh kilkawi tu ding ah Pathian nih rian khinh cawlh mi zong Lutuv minung kan si. Lutuv ram le Lutuv miphun a dirhkamhtu le a zohkhenhtu cu unau nangmah le keimah hi kan si. Kan ram hmunhma ruang le miphun tenau deuh kan si ruang ah hawi hnu kan fualnak tampi a um mi lak ah Fimcawnnak le Fimthiamnak lei ah hnu kan fual khun hna. Cu Fimthiamnak cu kan Miphun le kan ram thanchonak ca ah a herh bik mi a si. Cu ca ah hi hnu kan fanau hna nih Fimthiamnak lei ah an thancho khawhnak hnga ti in kan miphun chung in bochan mi kan pa le hna nih Chim State khualipi a si mi Hakha ah hin Lutuv Center um kho seh law kan fa le nih tanghra le Collage hi fawi tein kai kho cio hna seh ti mi ruahnak he Hakha ah Innhmun Ting zanga ( 50,000,000 MMK ) man cawk a si. A ruang cu Hakha ah Collage tha pathum a um cang ca ah umnak Inn a um ahcun rethei tuk lo in Collage an kai kho cio hnga ti mi saduhthahnak he a si. Kan miphun ca ah herh i a thatuk lai ti zong kan zumh. Hi Innhmun cawknak ca ah USA Lutuv cu $10,000 ( Thawnghra ) thawh ding in tuanvo pek kan si. Cu cu USA Lutuv mi kan dihlak nih kan miphun ca ah kan tuah ding mi rian a si. Cu ca ah unau nang cu Bawipa nih kan Lutuv miphun dirhkam khotu si ding in Joseph bang in USA ram ah an kuat mi na si. Lutuv miphun le Lutuv ram na rak dawtnak le na rak dirhkam peng nak cung ah kan i lawm i upat kan in pek. Tutan Innhmun cawknak ca ah zong ah hin $50 in na miphun na dawtnak le na dirhkamhnak na langhter than ding in kan in nawl ko. Na miphun le na ram nih a tu hi an herh ko. Na miphun le na ram nih an in bochan ko.

Miphun ah,

Pu Hlunthang Chairman, LNA

Chan Luai Pu Chan Luai Sangxxxxxxxxx Ramdang Secretary, Lautu Foundation xxxx