Unidade: Introdución á Electrónica
Tecnoloxía 4º ESO
DIFERENCIA ENTRE ELECTRICIDADE E ELECTRÓNICA. A
Electricidade
aproveita os
fenómenos eléctricos para obter potencia ou enerxía, por exemplo: A prancha eléctrica ou o ventilador son aparellos eléctricos, xa que empregan electricidade para producir enerxía calorífica ou o movemento dunhas aspas segundo o caso. A Electrónica usa a electricidade para levar información, por exemplo o timbre eléctrico para informar de que alguén chama a porta, ata os complexos sistemas informáticos para traballar con cantidades enormes de datos. Desta forma os aparellos electrónicos son os que usan a electricidade para indicar, mostrar ou informar de algún xeito. COMPOÑENTES ELECTRÓNICOS. Todo circuíto electrónico está formado por uns compoñentes básicos:
Páxina 1 de 14
Unidade: Introdución á Electrónica
Tecnoloxía 4º ESO
Todos estes compoñentes atópanse cando se abre calquera aparello electrónico (como un ordenador, un DVD ou un reprodutor de MP3) integrados nun circuíto impreso ou placa base. COMPOÑENTES PASIVOS. RESISTENCIAS. En electricidade se estudan as resistencias desde o punto de vista da súa oposición ao paso da corrente eléctrica, o cal fai que as resistencias produzan calor e deban soportar grandes potencias (exemplos de usos: unha prancha eléctrica, un forno, un radiador eléctrico, unha tostadora, un secador de pelo, etc). En electrónica, en xeral, trabállase con valores de corrente máis pequenos. O uso que se lle da é o de limitar o valor da intensidade que pasa polo circuíto (evitando así que queimen compoñentes electrónicos máis sensibles como díodos, transistores, etc). Hai varios tipos:
Resistencias fixas: A súa representación nos circuítos pode ser:
As unidades en que se expresan son os Ohmios (Ω) Cantos máis grande sexa a resistencia (maior valor en ohmios), máis se opón ao paso da corrente e máis baixa será esta última no circuíto. En electrónica adoita traballarse con correntes moi baixas (de miliamperios ou menores), así os valores das resistencias adoitarán ser altos (múltiplos de ohmio como KΩ ou MΩ). Páxina 2 de 14
Unidade: Introdución á Electrónica
Tecnoloxía 4º ESO
As resistencias poden levar un código de cores que indica o seu valor en ohmios:
Resistencias variables ou potenciómetros: A súa representación nos circuítos pode ser:
Constitución interior dun potenciómetro lineal e dun rotativo:
Páxina 3 de 14
Unidade: Introdución á Electrónica
Tecnoloxía 4º ESO
CONDENSADORES. Son compoñentes capaces de acumular carga eléctrica que logo poden liberar cando nos interese; é dicir, poden funcionar como pilas durante un tempo limitado, pero infinitas recargas. Os seus símbolos circuitais son: A capacidade do condensador indícanos a cantidade de carga que este pode acumular. Mídese en faradios (F) aínda que adoita ser un submúltiplo, milifaradios (mF), microfaradios (μF), picofaradios (pF), etc. Os condensadores están formados por 2 superficies (armaduras) condutoras, separadas por un dieléctrico (non condutor) que da nome ao tipo de condensador. Así temos condensadores cerámicos, de poliéster, electrolíticos, de papel, de mica e de tántalo.
Páxina 4 de 14
Unidade: Introdución á Electrónica
Tecnoloxía 4º ESO
Nota: Os condensadores electrolíticos teñen polaridade, que hai que respectar se non poden explotar. Ademais un dato que adoitan indicar os condensadores é a súa máxima tensión de traballo. O funcionamento do condensador nun circuíto é o seguinte:
Unha aplicación común dos condensadores é en circuítos temporizadores, onde o tempo de carga e descarga é un múltiplo (aproximadamente 5 veces) da constante de tempo do condensador (τ):
Páxina 5 de 14
Unidade: Introdución á Electrónica
Tecnoloxía 4º ESO
COMPOÑENTES ACTIVOS. Son aqueles compoñentes construídos con material semicondutor formado a partir de Silicio (Si) e Xermanio (Ge). Se ao Silicio se lle engade Indio se crea un semicondutor tipo P (positivo) que tende a absorber electróns. Se ao Silicio se lle engade Antimonio, se crea un semicondutor tipo N (negativo), que tende a emitir electróns. Os compoñentes que veremos poden construírse con semicondutores tipo P, semicondutores tipo N ou combinando os dous tipo anteriores. LDR OU FOTORRESISTENCIAS. LDR son as siglas en inglés de Light Dependant Resistor (resistencia que varía coa luz). Son resistencias variables nas que o seu valor varía en función da luz que reciben.
A súa representación nos circuítos pode ser:
Adoitan ter un valor elevado en escuridade, baixando moito o seu valor cando incide a luz sobre el.
TERMISTORES. Son resistencias cuxo valor depende da temperatura (dun xeito moito maior que nunha resistencia normal), dependendo de que o seu valor aumente ou diminúa coa temperatura teremos: Páxina 6 de 14
Unidade: Introdución á Electrónica
•
NTC:
•
PTC:
Tecnoloxía 4º ESO
NTC (Negative Temperature Coefficient): O seu valor óhmico
diminúe
coa
temperatura.
PTC (Positive Temperature Coefficient): O seu valor óhmico aumenta coa temperatura.
DÍODOS. Se basean en combinar un semicondutor tipo N e outro tipo P, dando lugar ao que se denomina Unión PN ou Díodo.
Páxina 7 de 14
Unidade: Introdución á Electrónica
Tecnoloxía 4º ESO
Polarización dun díodo: A característica esencial dun díodo é que deixa circular a corrente nun sentido pero se opón á súa circulación no sentido contrario. (É dicir funciona coma un interruptor). A polarización dun díodo pode ser directa ou inversa. Polarización directa: O terminal positivo da pila se aplica na zona P (positiva) e o símbolo do díodo coincide co sentido da corrente. O díodo se comportará coma un interruptor pechado e a lámpada se iluminará. Polarización inversa: O terminal negativo da pila se aplica na zona P (positiva) e o símbolo do díodo se opón ao sentido que debería ter a corrente. O díodo se comportará coma un interruptor aberto e a lámpada non se iluminará. Nota: Se a tensión inversa é moi alta, o díodo pode entrar na zona de avalancha (conduciría moita corrente antes de queimarse). Algúns díodos como o Zéner están especialmente fabricados para traballar na zona de avalancha.
TIPOS DE DÍODOS: Díodos LED (Light emitter diode): Os LED emiten luz cando se atopan en polarización directa; unha das súas funcións máis típicas é avisar de que un aparello electrónico está aceso. O seu símbolo é:
A pata longa dos LED é o seu terminal positivo (ánodo). Díodos rectificadores:
Adoitan utilizarse en circuítos
transformadores de corrente alterna a corrente continua, eliminando a corrente no momento en que están polarizados en inversa.
Páxina 8 de 14
Unidade: Introdución á Electrónica
Tecnoloxía 4º ESO
O seu símbolo é:
Imaxe: Circuíto rectificador de media onda. Fotodíodos: Utilízanse como detectores de luz en circuítos electrónicos automáticos, como por exemplo, apertura automática por infravermellos. O seu símbolo é: Para o seu funcionamento, o fotodíodo é polarizado en inversa, producíndose unha circulación de corrente cando o fotodíodo é excitado pola luz. Díodos Zéner: Empréganse como estabilizadores de tensión en circuítos transformadores. O seu símbolo é: O díodo Zéner debe ser polarizado en inversa chegando á súa zona de avalancha, mantén a súa tensión constante e igual a Vz (hai díodos de 5V, 7V, 9V, etc).
Páxina 9 de 14
Unidade: Introdución á Electrónica
Tecnoloxía 4º ESO
TRANSISTORES. Os transistores son semicondutores que constan de 3 terminais: Emisor, Colector e Base. Para que o transistor funcione, debemos polarizalo de xeito que a unión BE quede en directa e a unión CB en inversa. Os transistores bipolares están constituídos por 3 zonas tipo P e tipo N alternas. Hai 2 tipos: Transistor bipolar NPN: O Colector e o Emisor están conectados ás dúas zonas N e a Base á zona P. Na imaxe se indica a correcta polarización do transistor. No circuíto equivalente con díodos, se ve que a unión BE equivale a un díodo polarizado en directa, mentres que a unión CB equivale a un díodo polarizado en inversa.
Transistor bipolar PNP: O Colector e o Emisor están conectados ás dúas zonas P e a Base á zona N. Na imaxe se indica a correcta polarización do transistor. No circuíto equivalente con díodos, a unión BE debe ser como un díodo polarizado en directa, mentres que a unión CB equivale a un díodo polarizado en inversa. Para logralo, as polaridades das pilas son as contrarias que no tipo anterior. Páxina 10 de 14
Unidade: Introdución á Electrónica
Tecnoloxía 4º ESO
Análise do circuíto de polarización dun transistor NPN: Se VBB=0V a unión BE está cortada (non circula corrente). O transistor está en corte. Se VBB é suficiente para que VBE>0,6V, entón a unión BE está en directa. E V CC fará que a unión BC estea na zona de avalancha e circulará unha gran corrente ICE.
As fórmulas do circuíto de polarización do transistor son: IB é pequena e se pode aproximar IE = IC. β é a ganancia do transistor e pode ser maior de 100.
O transistor pode funcionar en un destes 3 estados: •
En Corte: IB=0mA e VBE<0,6V. Entón a IC=0mA. Non conduce corrente.
•
Zona activa (como amplificador): Se VBE>0,6V e IB>0 pero non moi alta. Se cumpren as fórmulas dadas anteriormente e I C=β*IB. A corrente IC se amplifica nun factor β respecto a IB.
•
En saturación: Se VBE>0,6V e IB>>0 (IB é bastante grande). IC<β*IB .
Páxina 11 de 14
Unidade: Introdución á Electrónica
Tecnoloxía 4º ESO
CIRCUÍTOS INTEGRADOS. Os circuítos integrados ou chips son dispositivos que conteñen unha gran cantidade de compoñentes electrónicos (díodos, transistores, resistencias, etc.) de moi pequeno tamaño e conectados entre si. Desta forma afórrase espazo e redúcese a posibilidade de erro nas conexións.
Os circuítos integrados máis populares, aparte dos microprocesadores dos ordenadores, son os chamados 555, que se usan como Temporizadores para regular luces intermitentes, etc. Cada circuíto integrado ten a súa simboloxía. Polo xeral represéntanse mediante unha simple caixa co número de terminais que teñan; dentro da caixa escríbese algunha indicación sobre o tipo de circuíto do que se trata. CIRCUÍTOS IMPRESOS. Todos os compoñentes electrónicos (díodos, condensadores, resistencias, transistores, circuítos integrados, etc.) anteriormente vistos se soldan sobre unha placa de material condutor, configurando así o que se coñece por circuíto impreso. A placa de circuíto impreso (PCI) ten un soporte de material illante (baquelita, fibra de vidro...) que inicialmente ten unha das súas caras cuberta de cobre. Logo dun proceso químico, elimínase parte do cobre, quedando o resto en forma de pistas condutoras que unen os compoñentes electrónicos, seguindo un esquema eléctrico.
Páxina 12 de 14
Unidade: Introdución á Electrónica
Tecnoloxía 4º ESO
Exercicio: Usando o código de cores das resistencias, determina o valor das seguintes resistencias:
Resistencia
Valor (Ω)
Marrónnegronegrodourado Vermellonegroazulprata Vermellovioletavermelloprata Verdeamarelomarrónprata Marrónvermelloverdeouro
Fai agora o proceso inverso, a partir dos valores das resistencias, indica que cores deberían ter as franxas das resistencias, sabendo que son todas dun 10% de tolerancia.: 1ª franxa 2ª franxa
3ª franxa
4ª franxa
Valor R (Ohmios) 15K Ω 350 Ω 1,2K Ω 2M Ω 33 Ω 3,5K Ω 790 Ω 65M Ω 47K Ω 12 Ω
Páxina 13 de 14
Unidade: Introdución á Electrónica
Tecnoloxía 4º ESO
Exercicio: Como se indica nos apuntes, os compoñentes activos utilizados nos circuítos electrónicos fanse con material semicondutor. Busca unha táboa periódica (por exemplo en internet), reproduce no teu caderno a parte dela onde está a división entre metais e non metais (busca a escaleira de separación). Busca en Wikipedia a entrada: Semicondutor e indica cales dos elementos que indicaches se usan como semicondutores.
Exercicio: Busca en internet (Galipedia: LDR) que elementos da táboa periódica (que xa atopaches anteriormente), se usan para fabricar os LDR ou fotorresistencias.
Páxina 14 de 14