LA GRAN ESCAPADA

ACTIVIDAES  Enantes d’entamar : Recordate que lleas acompañáu/ada por boli y papel col envís de que vayas apuntando: 1. Lo que más y lo que menos te presta. Cuando acabes de lleer el llibru vas tener qu’esponelo en clas. 2. Los topónimos y llugares d’interés qu’apaecen nel testu.  Mientres llees: 1. Nun entames a lleer pel principiu. Salta la versión curtia (lléela al final) y entama pola versión llarga (páxina 18). 2. Resumi cada capítulu nunes poques llinies pa que nun escaezas nada de lo más importante. 3. Les palabres que nun conozas, alcuérdate de buscales nel Diccionariu (www.academiadelallingua.com/diccionariu) y facer con elles un pallabreru que tienes que presentar al profesor.  Depués de lleer contesta: 1. Resumi nuna palabra’l tema del llibru. 2. ¿Ónde asocede la hestoria? ¿Cuántu tiempu dura l’aición? ¿En qué dómina del añu se desendolca? 3. Describi la contorna de la madriguera de Pachu. 1

4. Enumbera los personaxes y dixébralos en principales y secundarios. Xustifica esa partición. Personaxes principales

Personaxes secundarios

5. ¿Por qué hai animales que son consideraos malos? ¿Cumplen la so promesa? ¿Cómo los consideraríes tu depués de lleer el llibru? ¿Por qué? Nel llibru cuéntasenos la voz que tien ún d’esos animales, ¿tu pondríes-y esa voz? 6. Enumbera los animalinos qu’apaecen nel llibru. Busca’l nome científicu de cinco d’ellos. ¿Qué ye’l nome científicu? ¿Pa qué val? Inventa’l nome científicu que te pondríes a ti mesmu/a. 7. ¿Qué animal ye? a. Benji. b. Cuca. c. Dora. d. Pachu, Pachín. e. Rosalía. 8. ¿Qué comen los animalinos? 9. ¿Cuántos hermanos tien Pachín? 10. ¿Quién-y punxo’l nome a Benji? 11. ¿Qué peligros puen tener los animalinos? ¿Por qué la carretera pue ser un peligru pa ellos? 12. ¿Cuál ye l’únicu animal que sabe lleer? ¿Qué importancia tien nel final de la historia? ¿Pa ónde van? ¿Qué va pasar nel nuevu llugar? 13. ¿Qué-yos da mieu a los animalinos? ¿Cuál ye’l mayor problema que tienen? ¿Tas d’alcuerdu? ¿Quién son los xefes de los animalinos? ¿Cuántes families d’animales hai? ¿Cuála ye la zona prohibida pa los animalinos? 14. ¿Quién ye’l narrador de la hestoria? ¿En qué persona cuenta los fechos? 15. ¿Por qué crees que’l llibru se titula asina? ¿Por qué los animalinos entamen la gran escapada? ¿Tienen otra opción? ¿Cuála? 16. ¿Cómo se llama’l llugar onde los animalinos faen los conceyos abiertos? ¿Por qué se llama asina?

2

17. ¿Ónde faen los campamentos a lo llargo del viaxe? ¿Cuándo viaxen, de día o de nueche? 18. Describi en cinco llinies lo que pasa nun campu de golf. 19. Describi con un dibuxu la nueva casa de toos. 20. ¿Qué te paeció’l final? Inventa, en non más de diez llinies, un final que siga al del llibru. 21. ¿Qué ye un Apéndiz? Explícalo coles tos palabres. ¿Qué cuenta l’Apéndiz del llibru? Escueyi cinco términos del Apéndiz y esplica lo que representa pa ti esa palabra (pa facer esta última xera alcuérdate de pensar lo qu’aveces a facer nesos sitios, momentos...)  P’acabar: 1. Rellena esta ficha de llectura: AUTOR (Apellíos, nome, añu y llugar de nacencia) TÍTULU ILLUSTRADOR EDITORIAL AÑU Y LLUGAR D’ESPUBLIZAMIENTU COLEICIÓN Y NÚMBERU 2. Agora llei la versión curtia, ¿qué diferencies y semeyances hai cola versión llarga? ¿Por qué crees que l’autor escribió les dos versiones?

3