|| śrīśiva stutiḥ - śrīviṣṇu kṛtaṁ - liṅga purāṇam ||

Sri Shiva Stuti – Sri Vishnu Kritam – Linga Puranam The following is a rare hymn on Lord Shiva by Lord Vishnu from Linga Puranam and Chapter 21. The brief Phalashruti mentions that one who recites this hymn by self or in front of learned people gets the benefit of performing Ashwamedha Yajna 10,000 times. Even if one has been a gory sinner throughout the life, he/she gets absolved of all sins if this hymn recited devoutly in a Lord Shiva Temple and reaches the abode of Lord Brahma. One who recites this hymn at the time of Shraddha (ancestor worship) or any religious activity (including Havans) as prescribed by texts attains Brahma Sayujya.

sūta uvāca brahmāṇaṁ agrataḥ kṛtvā tataḥ sa garuḍa-dhvaja | atītaiśca bhaviṣyaiśca vartamānais tathaiva ca || 1 || nāmabhis chāndasaiś caiva idaṁ stotraṁ udīrayat | viṣṇuruvāca namastubhyaṁ bhagavate suvratānanta tejase || 2 || namaḥ kṣetrādhipataye bījine śūline namaḥ | sumeṁḍhrāyārccyameṁḍhrāya daṇḍine rūkṣa-retase || 3 || namo jyeṣṭhāya śreṣṭhāya pūrvāya prathamāya ca | namo mānyāya pūjyāya sadyojātāya vai namaḥ || 4 || gahvarāya ghaṭeśāya vyoma-cīrāmbarāya ca | namaste hyasmadādīnāṁ-bhūtānāṁ-prabhave namaḥ || 5 || vedānāṁ-prabhave caiva smṛtīnāṁ-prabhave namaḥ | prabhave-karmadānānāṁ dravyāṇāṁ-prabhave namaḥ || 6 || namo yogasya-prabhave sāṅkhyasya-prabhave namaḥ | namo dhruva-nibaddhānāṁ ṛṣīṇāṁ prabhave namaḥ || 7 || ṛkṣāṇāṁ-prabhave-tubhyaṁ grahāṇāṁ-prabhave namaḥ | vaidyutāśanimeghānāṁ garjita-prabhave namaḥ || 8 || mahodadhīnāṁ-prabhave dvīpānāṁ-prabhave namaḥ | adrīṇāṁ-prabhave caiva varṣāṇāṁ-prabhave namaḥ || 9 || namo nadīnāṁ-prabhave nadānāṁ-prabhave namaḥ | mahauṣadhīnāṁ-prabhave vṛkṣāṇāṁ-prabhave namaḥ || 10 || dharma-vṛkṣāya dharmāya sthitīnāṁ-prabhave namaḥ | prabhave ca parārdhasya parasya-prabhave namaḥ || 11 || namo rasānāṁ-prabhave ratnānāṁ-prabhave namaḥ | kṣaṇānāṁ-prabhave caiva lavānāṁ-prabhave namaḥ || 12 ||

K. Muralidharan ([email protected])

1

Sri Shiva Stuti – Sri Vishnu Kritam – Linga Puranam ahorātrā'rdha-māsānāṁ māsānāṁ-prabhave namaḥ | ṛtūnāṁ-prabhave-tubhyaṁ saṅkhyāyāḥ-prabhave namaḥ || 13 || prabhave cāparārdhasya parārdha-prabhave namaḥ | namaḥ purāṇa-prabhave sargāṇāṁ-prabhave namaḥ || 14 || manvantarāṇāṁ-prabhave yogasya-prabhave namaḥ | caturvidhasya sargasya prabhave 'nanta-cakṣuṣe || 15 || kalpodaya nibandhānāṁ vātānāṁ-prabhave namaḥ | namo viśvasya-prabhave brahmādhipataye namaḥ || 16 || vidyānāṁ-prabhave caiva vidyādhipataye namaḥ | namo vratādhipataye vratānāṁ-prabhave namaḥ || 17 || mantrāṇāṁ-prabhave-tubhyaṁ mantrādhipataye namaḥ | pitṝṇāṁ-pataye caiva paśūnāṁ-pataye namaḥ || 18 || vāgvṛṣāya namastubhyaṁ purāṇa-vṛṣabhāya ca | namaḥ paśūnāṁ-pataye govṛṣendra-dhvajāya ca || 19 || prajāpatīnāṁ-pataye siddhīnāṁ-pataye namaḥ | daitya-dānava-saṅghānāṁ rakṣasāṁ-pataye namaḥ || 20 || gandharvāṇāṁ-ca-pataye yakṣāṇāṁ-pataye namaḥ | garuḍoraga-sarpāṇāṁ pakṣīṇāṁ-pataye namaḥ || 21 || sarva-guhya-piśācānāṁ guhyādhipataye namaḥ | gokarṇāya ca goptre ca śaṅkukarṇāya vai namaḥ || 22 || varāhāyā 'prameyāya ṛkṣāya virajāya ca | namo surāṇāṁ-pataye gaṇānāṁ-pataye namaḥ || 23 || ambhasāṁ-pataye caiva ojasāṁ-pataye namaḥ | namo'stu lakṣmī-pataye śrīpāya kṣitipāya ca || 24 || balābala-samūhāya akṣobhya kṣobhaṇāya ca | dīpta-śṛṅgaika śṛṅgāya vṛṣabhāya kakudmine || 25 || namaḥ sthairyāya vapuṣe tejasānuvratāya ca | atītāya bhaviṣyāya varttamānāya vai namaḥ || 26 || suvarcase ca vīryāya śūrāya hyajitāya ca | varadāya vareṇyāya puruṣāya mahātmane || 27 || namo bhūtāya bhavyāya mahate prabhavāya ca | janāya ca namastubhyaṁ tapase varadāya ca || 28 || aṇave mahate caiva namaḥ sarvagatāya ca | namo bandhāya mokṣāya svargāya narakāya ca || 29 || namo bhavāya devāya ijyāya yājakāya ca | pratyudīrṇāya dīptāya tattvāyā'tiguṇāya ca || 30 || K. Muralidharan ([email protected])

2

Sri Shiva Stuti – Sri Vishnu Kritam – Linga Puranam namaḥ pāśāya śastrāya namastvābharaṇāya ca | hutāya upahūtāya prahutaprāśitāya ca || 31 || namostviṣṭāya pūrtāya agniṣṭomadvijāya ca | sadasyāya namaś caiva dakṣiṇāvabhṛthāya ca || 32 || ahiṁsāyā 'pralobhāya paśu-mantrauṣadhāya ca | namaḥ puṣṭi-pradānāya suśīlāya suśīline || 33 || atītāya bhaviṣyāya vartamānāya te namaḥ | suvarcase ca vīryāya śūrāya hyajitāya ca || 34 || varadāya vareṇyāya puruṣāya mahātmane | namo bhūtāya bhavyāya mahate cā'bhayāya ca || 35 || jarāsiddha namastubhyaṁ ayase varadāya ca | adhare mahate caiva namaḥ sastupatāya ca || 36 || namaś condriya patrāṇāṁ lelihānāya sragviṇe | viśvāya viśvarūpāya viśvataḥ śirase namaḥ || 37 || sarvataḥ pāṇipādāya rudrāyā 'pratimāya ca | namo havyāya kavyāya havyavāhāya vai namaḥ || 38 || namaḥ siddhāya medhyāya iṣṭāyejyā'parāya ca | suvīrāya sughorāya akṣobhya kṣobhaṇāya ca || 39 || suprajāya sumedhyāya dīptāya bhāskarāya ca | namo buddhāya śuddhāya vistṛtāya matāya ca || 40 || namaḥ sthūlāya sūkṣmāya dṛśyā'dṛśyāya sarvaśaḥ | varṣate jvalate caiva vāyave śiśirāya ca || 41 || namaste vakrakeśāya ūrū vakṣaḥ śikhāya ca | namo namaḥ suvarṇāya tapanīya-nibhāya ca || 42 || virūpākṣāya liṅgāya piṅgalāya mahaujase | vṛṣṭighnāya namaś caiva namaḥ saumyekṣaṇāya ca || 43 || namo dhūmrāya śvetāya kṛṣṇāya lohitāya ca | piśitāya piśaṅgāya pītāya ca niṣaṅgiṇe || 44 || namaste saviśeṣāya nirviśeṣāya vai namaḥ | nama ījyāya pūjyāya upajīvyāya vai namaḥ || 45 || namaḥ kṣemyāya vṛddhāya vatsalāya namo namaḥ | namo bhūtāya satyāya satyā'satyāya vai namaḥ || 46 || namo vai padmavarṇāya mṛtyughnāya ca mṛtyave | namo gaurāya śyāmāya kadrave lohitāya ca || 47 || mahāsandhyābhra-varṇāya cāru-dīptāya dīkṣiṇe | namaḥ kamala-hastāya digvāsāya kapardine || 48 || K. Muralidharan ([email protected])

3

Sri Shiva Stuti – Sri Vishnu Kritam – Linga Puranam apramāṇāya sarvāya avyayāyā 'marāya ca | namo rūpāya gandhāya śāśvatāyā 'kṣatāya ca || 49 || purastād bṛṁhate caiva vibhrāntāya kṛtāya ca | durgamāya maheśāya krodhāya kapilāya ca || 50 || tarkyā'tarkya-śarīrāya baline raṁhasāya ca | sikatyāya pravāhyāya sthitāya prasṛtāya ca || 51 || sumedhase kulālāya namaste śaśi-khaṇḍine | citrāya citraveṣāya citravarṇāya medhase || 52 || cekitānāya tuṣṭāya namaste nihitāya ca | namaḥ kṣāntāya dāntāya vajra-saṁhananāya ca || 53 || rakṣoghnāya viṣaghnāya śitikaṇṭhordhva-manyave | lelihāya kṛtāntāya tigmāyudha-dharāya ca || 54 || pramodāya sammodāya yati-vedyāya te namaḥ | anāmayāya sarvāya mahākālāya vai namaḥ || 55 || praṇava praṇaveśāya bhaganetrāntakāya ca | mṛgavyādhāya dakṣāya dakṣa-yajñāntakāya ca || 56 || sarva-bhūtātma bhūtāya sarveśā'tiśayāya ca | puraghnāya suśastrāya dhanvine 'tha paraśvadhe || 57 || pūṣa-danta-vināśāya bhaganetrāntakāya ca | kāmadāya variṣṭhāya kāmāṅga-dahanāya ca || 58 || raṅge karāla-vaktrāya nāgendra-vadanāya ca | daityānāṁ-antakeśāya daityākrandakarāya ca || 59 || himaghnāya ca tīkṣṇāya ārda-carma-dharāya ca | śmaśāna-rati-nityāya namostūlmuka-dhāriṇe || 60 || namaste prāṇapālāya muṇḍamālādharāya ca | prahīṇa śokair vividhair bhūtaiḥ parivṛtāya ca || 61 || nara-nārī-śarīrāya devyāḥ-priyakarāya ca | jaṭine muṇḍine caiva vyāla-yajñopavītine || 62 || namo'stu nṛtyaśīlāya upanṛtyu-priyāya ca | manyave gītaśīlāya munibhir-gāyate namaḥ || 63 || kaṭaṅkaṭāya tigmāya apriyāya priyāya ca | vibhīṣaṇāya bhīṣmāya bhaga-pramathanāya ca || 64 || siddha-saṅghānugītāya mahābhāgāya vai namaḥ | namo muktā'ṭṭahāsāya kṣveḍitāsphoṭitāya ca || 65 || nardate kūrdate caiva namaḥ pramuditātmane | namo mṛḍāya śvasate dhāvate 'dhiṣṭhite namaḥ || 66 || K. Muralidharan ([email protected])

4

Sri Shiva Stuti – Sri Vishnu Kritam – Linga Puranam dhyāyate jṛṁbhate caiva rudate dravate namaḥ | valgate krīḍate caiva lambodara-śarīriṇe || 67 || namo 'kṛtyāya kṛtyāya muṇḍāya kīkaṭāya ca | nama unmatta-dehāya kiṅkiṇīkāya vai namaḥ || 68 || namo vikṛtaveṣāya krūrāyā 'marṣaṇāya ca | aprameyāya goptre ca dīptāyā 'nirguṇāya ca || 69 || vāmapriyāya vāmāya cūḍāmaṇidharāya ca | namas tokāya tanave guṇair-apramitāya ca || 70 || namo guṇyāya guhyāya agamya-gamanāya ca | lokadhātrī tviyaṁ bhūmiḥ pādau sajjana-sevitau || 71 || sarveṣāṁ siddhi yogānāṁ adhiṣṭhānaṁ tavodaram | madhye 'ntarikṣaṁ vistīrṇaṁ tārā-gaṇa-vibhūṣitam || 72 || svāteḥ patha ivābhāti śrīmān hāras tavorasi | diśo daśa-bhujās tubhyaṁ keyurāṅgada-bhūṣitāḥ || 73 || vistīrṇa-pariṇāhaś ca nīlāñjana cayopamaḥ | kaṇṭhaste śobhate śrīmān hema-sūtra-vibhūṣitaḥ || 74 || daṁṣṭrā karālaṁ durdharṣaṁ anaupamyaṁ mukhaṁ tathā | padmamālā kṛtoṣṇīṣaṁ śiro dyauḥ śobhate 'dhikam || 75 || dīptiḥ sūrye vapuś candre sthairyaṁ śaile 'nile balam | auṣṇyaṁ agnau tathā śaityaṁ apsu śabdo 'mbare tathā || 76 || akṣarāntara niṣpandād guṇān etān vidur budhāḥ | japo japyo mahādevo mahāyogo maheśvaraḥ || 77 || pureśayo guhāvāsī khecaro rajanīcaraḥ | taponidhir guhagurur-nandano nanda-vardhanaḥ || 78 || hayaśīrṣā payodhātā vidhātā bhūta-bhāvanaḥ | boddhavyo bodhitā netā durdharṣo duṣprakampanaḥ || 79 || bṛhadratho bhīmakarmā bṛhatkīrtir dhanañjayaḥ | ghaṇṭāpriyo dhvajī chatrī pinākī dhvajinīpatiḥ || 80 || kavacī paṭṭiśī khaṅgī dhanurhastaḥ paramaśvadhī | aghasmaro 'naghaḥ śūro devarājo 'ri-mardanaḥ || 81 || tvāṁ prasādya purāsmābhir dviṣanto nihatā yudhi | agniḥ sadārṇavāṁbhastvaṁ pibannapi na tṛpyase || 82 || krodhākāraḥ prasannātmā kāmadaḥ kāmagaḥ priyaḥ | brahmacārī cā'ghādhaś ca brahmaṇyaḥ śiṣṭa-pūjitaḥ || 83 ||

K. Muralidharan ([email protected])

5

Sri Shiva Stuti – Sri Vishnu Kritam – Linga Puranam devānāṁ akṣayaḥ kośas tvayā yajñaḥ prakalpitaḥ | havyaṁ tavedaṁ vahati vedoktaṁ havya-vāhanaḥ | prīte tvayi mahādeva vayaṁ prītā bhavāmahe || 84 || bhavānīśo 'nādimāṁs tvaṁ ca sarva lokānāṁ tvaṁ brahmakartādisargaḥ | sāṅkhyāḥ prakṛteḥ paramaṁ tvāṁ viditvā kṣīṇadhyānās tvāṁ amṛtyuṁ viśanti || 85 || yogāś ca tvāṁ dhyāyino nitya-siddhaṁ jñātvāṁ yogān santyajante punastān | ye cā'pyanye tvāṁ prasannā viśuddhāḥ svakarmabhiste divyabhogā bhavanti || 86 || aprasaṅkhyeya tattvasya yathā vidmaḥ svaśaktitaḥ | kīrtitaṁ tava māhātmyaṁ apārasya mahātmanaḥ || 87 || śivo no bhava sarvatra yo'si so'si namo'stu te |

|| phalaśrutiḥ || ya idaṁ kīrtayed bhaktyā brahma nārāyaṇa stavam || 88 || śrāvayed vā dvijān vidvān śṛṇuyād vā samāhitaḥ | aśvamedhāyutaṁ kṛtvā yat phalaṁ tadavāpnuyāt || 89 || pāpācāro 'pi yo martyaḥ śṛṇuyāc chiva-sannidhau | japed vāpi vinirmukto brahma-lokaṁ sa gacchati || 90 || śrāddhe vā daivike kārye yajñe vāvabhṛthāntike | kīrtayed vā satāṁ madhye sa yāti brahmaṇontikam || 91 || || iti śrīliṅga mahāpurāṇe pūrva bhāge śrīviṣṇu kṛta śrīśiva stutiḥ sampūrṇam ||

K. Muralidharan ([email protected])

6