|| śrīyajñavarāhāṣṭakaṁ - skanda purāṇam || Sri Yajnavarahashtakam – Dharani – Skanda Puranam The following is a rare hymn on Lord Yajnavarahaka by Goddess Dharani (Earth) from Skanda Puranam, Vaishnava Khanda, Venkatachala Mahatmya and Chapter 1 titled Yajnavaraha Darshanam. Lord Varaha raised Goddess Earth from ocean pleased with this prayer.
dharaṇyuvāca namaste devadeveśa varāha-vadanā'cyuta | kṣīra-sāgara-saṅkāśa vajra-śṛṅga mahābhuja || 1 || uddhṛtā'smi tvayā deva kalpādau sāgarāmbhasaḥ | sahasra-bāhunā viṣṇo dhārayāmi jagantyaham || 2 || aneka-divyā'bharaṇa yajña-sūtra-virājita | aruṇā 'ruṇāmbaradhara divya-ratna-vibhūṣita || 3 || udyad-bhānu-pratīkāśa pāda-padma namo namaḥ | bālacandrābha daṁṣṭrāgra mahābala parākrama || 4 || divya-candana-liptāṅga tapta-kāñcana-kuṇḍala | indranīla-maṇidyoti hemāṅgada-vibhūṣita || 5 || vajra-daṁṣṭrāgra nirbhinna hiraṇyākṣa mahābala | puṇḍarīkābhirāmākṣa sāmasvana manohara || 6 || śruti-sīmanta bhūṣātman sarvātmaṁś cāruvikrama | caturānana śambhubhyāṁ vanditā''yatalocana || 7 || sarvavidyāmayākāra śabdātīta namo namaḥ | ānanda-vigrahā 'nanta kālakāla namo namaḥ || 8 || || iti śrīskānde-mahāpurāṇe vaiṣṇava-khaṇḍe śrīveṅkaṭācala-māhātmye śrīdharaṇī-kṛtaṁ śrīyajñavarāhāṣṭakaṁ sampūrṇam ||
K. Muralidharan (
[email protected])
1