REFORZOS NON, CARTOS PARA EMPRESAS PRIVADAS SI
A Dirección Xeral ven de anunciar, por medio do seu Diario Oficial, La Voz de Galicia, que contratou unha empresa para que estudie a ver como é o tema da nova oficina xudicial. Xa hai moitísimos anos fixera algo así con outra empresa, daquela era para que estudiara a futura Oficina Fiscal. O estudo non lles debeu cundir moito porque ao final nada se soubo del e fomos os sindicatos os que estudamos o asunto e fixemos alegacións á proposta que elaborou a Dirección Xeral. No caso da NOX (regulada normativamente dende o ano 2000) publicouse no DOG no ano 2009 un Decreto de creación de Comisións e grupos de traballo para o deseño e implantación da nova oficina xudicial. Estaban formadas por persoal que traballa na Administración de Xustiza (representantes da maxistratura, fiscalía, avogacía, procuraduría, sindicatos,….). Pero desa Comisión nada se soubo e agora, sen previa comunicación de ningún tipo á representación sindical, contratouse a unha empresa totalmente allea ao mundo xudicial para que faga non sabemos que. Iso si, non o fará de balde, polo que agora vaise pagar por algo totalmente innecesario e inútil. Estamos seguros de que non vai valer de nada e que ao final, se algún día verdadeiramente esta DX quere sacar adiante a NOX, seremos os sindicatos os que estudiaremos con seriedade o tema en aras a que realmente saia adiante de maneira satisfactoria. Ademáis, a NOX xa está implantada en moitos lugares de España; en Euskadi, por exemplo, só falta Bilbao. Polo tanto, só habería que botar unha ollada ao que se fixo nesas localidades e traspolalo ao noso país. Este desvío de cartos a unha empresa privada é aínda máis sangrante cando por parte da Dirección Xeral se nos está a dicir continuamente que non hai cartos para: pagarnos o 100% das substitucións, crear prazas onde hai reforzos de longa duración, poñer reforzos en lugares onde son moi necesarios e están sobradamente xustificados, etc, etc….. A CIG xa solicitou por escrito unha reunión con carácter urxente co Director Xeral para esixir explicacións pola actuación da Administración neste tema.
[email protected] 981182589
[email protected] 982889035
[email protected] 988687412
[email protected] 986803979
[email protected] 986817836
657768693 635607376 639921202 615828798 679742583 630236549 668843048
www.cig-xustiza.blogspot.com