PRIMEIRAS REUNIÓNS DA CIG CO NOVO EQUIPO DO MINISTERIO DE XUSTIZA Onte, xoves 12 de xaneiro, participamos en dúas reunións no Ministerio de Xustiza. A primeira, xunto cos compañeiros vascos de ELA, a efectos da presentación formal do novo Director Xeral de Relacións coa Administración de Xustiza. A segunda, para negociación das RPTS de Letrados da Administración de Xustiza doutros ámbitos territoriais, a convocatoria de oposicións para o Corpo de Letrados da Administración de Xustiza e para o Corpo de Médicos Forenses. REUNIÓN CO DIRECTOR XERAL DE RELACIÓNS COA ADMINISTRACIÓN DE XUSTIZA: Primeiro reunímonos co novo Director Xeral de Relacións coa Administración de Xustiza, JOAQUÍN DELGADO MARTÍN, e trala súa presentación formal, tratamos fundamentalmente dous temas: REXISTRO CIVIL: O Director manifestounos que a vontade do Ministro de Xustiza é manter o Rexistro Civil dentro do ámbito da administración de xustiza, probablemente baixo a responsabilidade dos Letrados/as e provisto por funcionarios dos Corpos ao Servizo da Administración de Xustiza. Pretenden modificar a Lei do 2011 en dito sentido antes de que remate a vacatio legis no mes de xullo. Insistiu reiteradamente en enviar unha mensaxe de tranquilidade, pois a intención do ministerio é seguir na mesma liña respecto da situación actual. Dende a CIG, voltamos a reiterar a nosa esixencia de que o Rexistro Civil se manteña como un servizo público e gratuíto, provisto con carácter exclusivo por funcionarios dos Corpos ao Servizo da Administración de Xustiza do ámbito territorial onde se sitúen, e mantendo, igualmente, as competencias que nesta materia teñen os Xulgados de Paz. OFERTA DE EMPREGO PÚBLICO: Sobre este tema solicitamos que se proceda á convocatoria de procesos selectivos co todas as prazas vacantes existentes. Igualmente, solicitamos a recuperación da reserva do 50% das prazas vacantes para a promoción interna en todos os corpos ao servizo da xustiza, incluíndo o Corpo de Letrados/as. O Director manifestounos que aínda non hai unha decisión definitiva sobre si se van a acumular as OEP de 2016 e 2017, nin tampouco sobre si o proceso selectivo vai ser concursooposición ou oposición, engadindo que é algo que se ten que resolver en breve, dependendo do contido da Lei de Orzamentos en relación ao posible número de prazas que poidan convocarse para a próxima oposición. En datas próximas convocarannos a unha reunión sobre este tema. Polo Subdirector, presente na reunión, informóusenos que no caso de que non se acorde a acumulación de ambas OEP, a convocatoria do 2016 realizaríase o máis axiña posíbel. No caso de acumularse, o proceso demoraríase por un período maior de tempo. Non concretaron data algunha en ningunha das hipóteses. Tamén manifestaron que a intención do ministerio respecto de a OEP do 2017 é convocar o máximo número posible de prazas que lles permita a Lei de Orzamentos. CONVOCATORIA DE OPOSICIÓNS A LETRADOS DA ADMINISTRACIÓN DE XUSTIZA: Con carácter previo a esta segunda reunión do día, déronnos traslado do borrador da próxima convocatoria ao Corpo de Letrados da Administración de Xustiza (70 prazas para a quenda libre e 21 para promoción interna). Borrador cun contido case análogo á convocatoria anterior e no que se recupera a posibilidade de conservar a nota do primeiro exercizo para a seguinte convocatoria e para ambas quendas, sempre que a nota lograda no exercizo sexa superior ao 60% da nota máxima. [email protected] 981182589 [email protected] 982889035 [email protected] 988687412 [email protected] 986803979 [email protected] 986817836

657768693 635607376 639921202 615828798 679742583 630236549 668843048

www.cig-xustiza.blogspot.com

Manifestaron que a conservación da nota está condicionada a que non haxa cambios lexislativos importantes entre as convocatorias, posto que está vinculada a que non existan cambios no contido do temario. Dende a CIG fixemos, entre outras, as seguintes alegacións: - Modificación da proporción entre prazas de quenda libre e de promoción interna: Instamos ao Ministerio para que corrixa a distribución de prazas entre quenda libre e promoción interna por incumprir o 30% establecido na LOPX (articulo 442.2), polo que deberían ofertarse 27 prazas para a quenda de promoción interna e 64 para a quenda libre, todo iso sen renunciar ao noso obxectivo de que se volva a recuperar o 50% de prazas para a promoción interna. - Que se permita a presentación dos opositores por ambas quendas. - A supresión do carácter selectivo do curso teórico-práctico, dándolle unha exclusiva natureza formativa. - Eximir do abono da taxa na promoción interna. - Que abonde obter o 50% da nota no primeiro exercizo para a conservación na seguinte convocatoria.. - Eliminación do exame oral, substituíndoo por un exercizo escrito. CONVOCATORIA DE OPOSICIÓNS A MÉDICOS FORENSES: Trátase das bases da convocatoria da OEP do ano 2015 que estaba pendente aínda. Convócanse un total de 70 prazas, das cales só 2 son para Galiza. A característica máis destacábel desta convocatoria é que, de forma excepcional, realizarase mediante o sistema de concurso-oposición. Segundo informou o Subdirector a convocatoria publicaríase no BOE nun prazo aproximado de mes e medio. Dende a CIG realizamos diversas alegacións na mesma liña que as realizadas para Letrados/as, como a supresión do carácter selectivo do curso teórico-práctico, avaliar os exercizos coa lexislación vixente na data de convocatoria ou a redución ao 50% da nota necesaria para a conservación dos exercizos na seguinte convocatoria. OUTRAS CUESTIÓNS: Sindicalmente indicóuselle ao ministerio a necesidade de abordar a negociación e solución doutras cuestións pendentes; como a acumulación de OPES, a convocatoria de procesos específicos de promoción interna, abono o 100% das retribucións nas substitucións, cotizacións á seguridade social anteriores ao ano 1990, negociación definitiva de como vai quedar a situación dos rexistros civís, informatización xudicial, etc. Cuestións sobre as que non se ofrecía resposta algunha e respecto das que dende a CIG requirimos o inicio de forma urxente e inmediata das mesas de negociación oportunas para ir avanzando na súa solución. PROCESOS SELECTIVOS EN VIGOR: Respecto da data de incorporación dos novos funcionarios, manifestáronnos que os de promoción interna poderían comezar a tomar posesión cara mediados do mes de febreiro e que no caso da quenda libre adiaríase cando menos ata o mes de marzo. [email protected] 981182589 [email protected] 982889035 [email protected] 988687412 [email protected] 986803979 [email protected] 986817836

657768693 635607376 639921202 615828798 679742583 630236549 668843048

www.cig-xustiza.blogspot.com