ሓበሬታ ንወለዲ ዕብየት ትምህርቲ ብኮም ፒተር አብ አብያተ ትምህርቲ ላርቪክ ደበናዊ አገልግሎት (ሺትየንስተ) ንትምህርቲ አብ ጐግል ኩሎም ተምሃሮን መማሃራንን አብ መባአታ ን ካልኣይ ደረጃ ቤ/ትምህርቲ ላርቪክ ዘለው አብ ጎግል ንትምህርቲ ዝጥቀሙሉ ናይ ተጠቃሚ መለለይ ተአዲልዎም አሎ። እዚ አገልግሎት አብ መርበብ (ኢንተርኔት) ዝተመርኮሰ ኮይኑ ንመምሃሪ፡ ብሓባር ንምስራሕን ፍርያት ንምድላውን የገልግል። ነዚ አገልገሎት ክትጥቀም መስመር ኢንተርኔት የድሊ፡ ከምኡውን አብ ኮምቲተር፡ አይፓድ፡ ወይንም አብ ሞባይል ክንጥቀመሉ ንክእል። አብ አይፓድ ን ሞባይል ክንጥቀም እንተኮይኑ መጀመርያ እቲ ፕሮግራም ክንጽዕኖ አለና። አብ ኮምፒተር ተኾይኑ ድማ ኢንተርኔት መንበቢ ገጽ ንጥቀም። እዚ አገልገሎት ምስ ጽላት ትምህርቲ ዝሰማማዕ፡ ካብ ክፍሊትን መወዓዊዒን ነጻ እዩ። ሓደ አብ መርበብ ዝተመርኮሰ አገልግሎት አብ ዝኾነ ጊዜ ክንጥቀመሉ ንክእል። አብ ገዛ ይኩን አብ ቤት ትምህርቲ፡ ከምኡውን አብ ኩለን ዓይነት መሳርሒ። መርበባዊ መፍትሒ ንተምሃሮ ነቲ አብ ገዛን ቤት ትምህርቲን ዝሰርሕዎ ሰነዳት(ጽሑፋት) ብዝቀለለ መገዲ ከዳልውዎም ይሕግዞም። ከምኡውን ነቲ ጽሑፋት ናብ መማህርቶም ይኩን መማህራኖም ክሰድዎ የክዕሎም። አብ አብያተ ትምህርቲ ላርቪክ ዝሰርሑ መማሃራን ነዚ ዓውዲ ዝሕግዞም ስልጠና አብ ጽድያ ክወሃቦም እዩ። በዚ መገዲ ተጠቂሞም መማሃራን ፍልጠት ናይ አገባብ አመሃህራ ብሓባር ኣብ ኮምቲተር የሐድሱ። ተምሃሮ በመገዲ መማሃራኖም አቢሉ በብቁሩብ ናይ መላለይ ትምህርቲ ካብ ጽድያ ስጋብ ቀውዒ አብ ዘሎ ጊዜ ክወሃቦም እዩ።

ካብ ትምህርቲ አብ ጎግል እንታይ ንረክብ? * ጽሑፋት(ሰነዳት)፡ አብ ኢንተርኔት ዝተመርኮሰ ጽሑፍ መዳለዊ እዩ። ተምሃሮ ነቲ ጽሑፋት(ሰነዳት) አብ ቤት ትምህርቲን ገዛ ከዳልውዎ ይክእሉ። እዚ መተካእታ ናይ ማይክሮሶፍት ወርድ እዩ። * ሰንጠረዥ(ናይ ቁጽሪ መስመር)፡ አብ ኢንተርኔት ዝተመርኮሰ ሰንጠረዝ(ናይ ቁጽሪ መስመር) እዩ፡ እዚ መተካእታ ናይ ማይክሮሶፍት-ኤክሰል እዩ። * ጽሑፋዊ አቀራርባ (ፕረዘንቴሽን)፡ አብ ኢንተርኔት ዝተመርኮሰ ጽሑፋዊ አቀራርባ (ፕረዘንቴሽን) እዩ፡ እዚ መተካእታ ናይ ማይክሮሶፍት-ፓወርፖይንት እዩ። * ናይ ሓበሬታ መኽዘን(መቀመጢ)፡ አብ ኢንተርኔት ዝተመርኮሰ ናይ ሓበሬታ መኽዘን(መቀመጢ) ንጹሑፋት፡ ፊልምታት፡ ሰእልታት፡ ሙዚቃ ወዘተ ዝኸውን ቦታ አለዎ።

* ጂ-ሜይል፡ አብ ኢንተርኔት ዝተመርኮሰ ናይ ኢ-መይል አገልግሎት እዩ። ተምሃሮ ናይ ውልቆም ኢ-መይል አድራሻ ክወሃቦም እዩ። በዚ አድራሻ ተጠቂሞም ድማ ምስ መማህርቶም፡ መማሃራኖምን ካልኦት ዝምልከቶም ሰባት ብሓባር ንምስራሕ ክጥቀሙሉ ይክእሉ። * ካልኦት መሳርሒታትውን ይርከብዎ። ብዛዕባ'ዚ መላለይ ትምህርቲ ንተምሃሮ ክወሃቦም እዩ።

አመዘጋግባ(አተአታትዋ) ተምሃሮ በመገዲ www.larvikskolen.no አቢሎም ይኣትው። ከምኡውን ብመገዲ ፋይደ(Feide) አቢሎም መንነቶም ይሕብሩ። ፋይደ (Feide) ሓደ ናይ ሓባር አብ ኖርወይ ዘለዋ ጽላታት ትምህርቲ አብ ኮምቲተር መእተዊ አገልግሎት እዩ። ናይ ተምሃሮ አድራሻ ብመምሕዳር ላርቪክ ዝተማእከለ እዩ። እዚ ማለት ድማ ኮዳቶም ዝረስዕዎ ተምሃሮ አብ ቤት ትምህርቶም ከምብሓድሽ ይወሃቦም።

በሑትነት(ፕራይቬሲ) መምሕዳር ላርቪክ ምስ ትካል ጎግል ሓደ ውዕል ናይ ሓበሬታ አተሓሕዛ አለዎ፡ እዚ ውዕል ተምሃሮ ዝክዝንዎ ሓበሬታ ብከመይ ክታሃዝ ከምዘለዎ ዝቆጻጸር እዩ ። እቲ ዝተኽዘነ ሓበሬታ ናብ ካልእ ምሻጥ አየፍቅድን። ትሕዝቶ ናይዚ አገልግሎት ካብ መወአዊኢ ነጻ እዪ። ከምኡውን ናይ ተምሃሮ ሓበሬታ ንመወአዊኢ ዝአለመ ክጥቀመሉ አየፍቅድን። ተወሳኪ ሕቶታት ብዛዕባ ትምህርቲ አብ ጎግል? አብ ሕቶን መልስን ፈትን.

አይፓድ ንተምሃሮ ምምሕዳር ላርቪክ ናይ ዝተፈላለዩ መሳርሒታት ምጥቃም አማራጺ አለዎ፡ ንተምሃርኡ ድማ አይፓድ ክህብ መሪጹ። አጠቃቅማ ናይ አይፓድ አዝዩ ቀሊል እዩ። እዚ ፍርያት አብ መብዛሕትኦም ናይ ተምሃሮ ጉጅለታት አብ ቤት ትምህርቲ ላርቪክ ዝርከቡ ቁቡል ኮይኑ ረኪብዎ። ከምኡውን አብ ቤት ትምህርቲ መስተር-ፍየል ተፈቲኑ እዩ። እቶም አድለይቲ ፕሮግራማት አብቲ አይፓድ ተጻኢኖም እዩም። ከምኡውን ንትምህርቲ እምበር ንቴክኖሎጂ ዝአለሙ አይኮኑን። አይፓድ፣ አብ ትምህርቲ ተበግሶ አብ ምውሳድ ሓጋዚ እዩ፡ ከምኡውን ዕላምኡ ንዕብየትን ዝሓሸ አገባብ አመሃህራ እዩ። ናይ ተምሃሮ አይፓድ ምስ ደረጅኦም ዝከይድ ፕሮግራማትን አገልግሎታትን ዝሓዘ እዩ። ተምሃሮ ብውልቆም ዝደልይዎ ፕሮግራማት ክጽዕኑ ተክእሎ የብሎምን። ናይ ተምሃሮ ረብሓ አብ ትምህርቲ ንክዓዝዝን፡ አይፓድ ካብ ትምህርቲ ወጻኢ ንዝኮኑ ነገራት ምጥቃም ንምውጋድ ንጹር ዝኮነ ምሕደራ ናይ ክፍሊ ክሕልው አገዳሲ እዩ። ተምሃሮ ንጹር ዝኮነ ሕግታትን አብ ክፍሊ እቲ ልሙድ

(ፍቁድ) አጠቃቅማ ናይ አይፓድ ክሕበሮም እዩ። ግደ መምህር ድማ ንጹር ዝኾነ መሪሕነት ብዛዕባ ተምሃሮ ንአይፓድ ብኽመይ ክጥቀሙሉ ከምዘለዎም ኽከውን እዩ። ቅቡል ዝኮነ አገባብ ምርድዳእ(ምዕላል) ብመገዲ ኢንተርኔትን፡ ብሕታውነት ካብቶም አብ መጻኢ ቆላሕታ ተዋሂብዎም ዝስርሃሎም አርእስቲ እዮም። አጠቃቅማ ናይዚ መሳርሒ አብ ገዛ ብዝምልከት ደረት (ዓቀን) ምውሳን ሓላፍነት ናይ ወለዲ እዩ። ኢንተርኔት (መርበብ) ሰፊሕ ሸፈነ ዘለዎን ተረካብን እዩ：ከምኡውን ከምቲ መማህራን አብ ቤት ትምህርቲ አጠቃቅማ ናይዚ መሳርሒ ዝቆጻጸርዎ ወለዲ ድማ አብ ገዛ ብተመሳሳሊ መገዲ ክቆጻጸርዎ ኣለዎ። አይፓዳት አብ ገዜ ለይቲ አብ ኤሌትሪክ ምስኳዕ (ቻርጅ) ምግባር አይንላበውን።

መዓስ እዩ ንኩሎም ተምሃሮ አይፓድ ዝወሃቦም? ኩሎም ተምሃሮ አብ ቤት ትምህርትታት ላርቪክ ዘለው አይፓድ አብ ቀጻሊ ክወሃቦም እዩ። ናይ ጊዜ ሰሌዳ ብዛዕባ ምምቅራሕ(ምክፍፋል) አይፓድን መላለይ ተምህርቲ ብዛዕቡኡ አብ ኩለን ቤት ትምህርትታት አብ ዕዋን ጽድያ ክዳለው እዩ። አብ ተግባር (ስራሕ) ዝውዕለሉ ደማ ካብ ነሓሰ 2016 ክከውን እዩ። ኣብ መብዛሕትአን ቤት ትምህርትታት እንተዋሓደ ሓንቲ ክፍሊ ካብ ነሓሰ 2016 ጀሚሩ አይፓድ ክህልዋ እዩ። ከምኡውን ውዕል ናይ ልቃሕ ወለዲ ክፍርሙሉ ናብ ገዛ ክንሰደልኩም ኢና።

ግደ ወለድን ትርጉሙን ተሳታፍነት ወለዲ አብ ናይ ደቆም ንጥፈታት ትምህርቲ ንጹርን ረብሓ ዘለዎ ጽልዋ አብ ተበግሶ ምውሳድ አብ ትምህርቲ ን ሓፈሻዊ ሓጎስ አብ ምፍጣርን ገደ ከምዘለዎ ክረኣ ጸኒሑ እዩ። ወለዲ ን ቤት ትምህርቲ ሓገዝትን እሙናትን ምስ ዝኮኑ ናይ ደቆም ፍረ-ዕዮን ሓፈሻዊ መዕባለን ይውስክ። ብኮምፒተር ዝተደገፈ ዕለታዊ ትምህርቲ ንመማህራን አገባብ አመሃህራ ንክቅይሩ ከሙእውን ተምሃሮ አገባብ አሰራርሆም ንክቅይሩ በዳሂ እዩ። እዚ ማለት ወለዲ፡ ደቆም አብ ቤት ትምህርቲ ዝመሃርዎ ኩሉ ዓይነት ትምህርቲ ክከእልዎ አለዎም ማለት አይኮነን። መማህራን፡ ነተምሃሮ ምምሃርን ሓድሽ ፍልጠት ከምዝረክቡ ምግባርን እዩ ስርሖም። ግደ ወለዲ ድማ ምንቅቃሕን ምትብባዕ እዩ። እዚ ካኣ ተገዳስነት ብምርኣይን ሕቶ ብምሕታትን ብዝበለጸ ኣገባብ ክስርሓሉ ይከኣል። ተመኩሮታት ካብ ናይ መፈተኒ ፕሮጀክት ከምዘርእይዎ አይፓድ ምጥቃም አብ ናይ ነፍስ-ወከፍ ተምሃራይ ምውህሃድ ጽቡቅ ዕድላት ከምዝፈጥር እዩ። እዚ ፍሉይ አገባብ አመሃህራ ንዘድልዩም ተምሃሮ አገዳሲ እዩ። ንኣብነት ተወሳኪ ሓገዝ ንዘድልዩም ተምሃሮ፡ ድርብ-ልሳን ዘለዎም ተምሃሮ ከምኡውን አብ ትምህርቲ ኣቢ ብድሆ ንዘለዎም ተምሃሮ። ቤት ትምህርቲ ላርቪክ ንወለዲ ናይ አይፓድ ስልጠና ክህብ እዩ።