1 NORMAS DE ORGANIZACIÓN E FUNCIONAMENTO  INTRODUCIÓN  A comunidade educativa do IES María Casares, en uso da autonomía pedagóxica, de organización e de xestión que lle confire a lexislación vixente, dótase das presentes Normas de Organización e Funcionamento (no sucesivo NOF), que teñen como obxectivo principal a consecución dun clima de convivencia que favoreza o logro das finalidades do Sistema Educativo.  A comunidade educativa do IES María Casares queda obrigada a coñecer as presentes NOF. Os Órganos de Goberno do Instituto velarán polo seu cumprimento.  ÁMBITO DE APLICACIÓN  As presentes NOF serán de aplicación en todas as actividades que se realicen no centro, con independencia de que estas teñan lugar no interior do edificio, no pavillón polideportivo ou no recinto exterior, tanto durante os períodos lectivos propiamente ditos como nos de lecer. Así mesmo serán de aplicación durante as actividades complementarias e extraescolares, con independencia do espazo e horario en que teñan lugar.  Cómpre así mesmo subliñar que aquelas condutas do alumnado que, aínda que realizadas fóra do recinto escolar e sen relación con calquera actividade escolar, complementaria ou extraescolar, estean motivadas ou directamente relacionadas coa vida escolar e afecten aos seus compañeiros ou compañeiras ou a outros membros da comunidade educativa e, en particular, aquelas que constitúan acoso escolar, poderán ser corrixidas disciplinariamente consonte ao establecido nas presentes NOF.  ACTIVIDADES ESCOLARES  Enténdese por actividades escolares todas aquelas que se realizan dentro do horario lectivo do Instituto e que constitúen a súa actividade diaria ordinaria. Inclúen as clases e as gardas realizadas en aulas, talleres, laboratorios, ximnasios, pavillón polideportivo, etc. e as actividades realizadas durante os períodos de lecer, así como as que se desenvolvan en pequenas saídas a pé pola contorna do centro durante o período lectivo.  NORMAS XERAIS ▪ Os principios que rexerán todas as actividades de carácter escolar serán os seguintes: ● O respecto entre todos os membros da comunidade educativa ● A máxima puntualidade no desenvolvemento das actividades ● O alumnado deberá seguir en todo momento as instrucións do profesorado. ● O alumnado procurará en todo momento obter o máximo aproveitamento posible da actividade escolar que se estea a desenvolver. ● O alumnado deberá respectar o mobiliario e instalacións e velar pola súa limpeza e conservación.  CLASES ▪ Entrada.- As portas do centro abriranse con carácter xeral 15 minutos antes da hora do comezo das clases (8:15 horas pola mañá de luns a venres e 16:15 h nas

2

▪

●

tardes de luns e martes). Durante estes 15 minutos o alumnado poderá acceder aos corredores e organizar o seu material escolar facendo uso dos armarios metálicos instalados ao efecto. Inicio das clases.- Ás 8:25 h de luns a venres, e ás 16:25 h os luns e martes, soará unha primeira serea de aviso. O alumnado dirixirase neste momento á porta da aula que lle corresponda, onde agardará a que o profesor/a correspondente ou o profesor/a de garda lles abra a porta para se incorporar a ela. Ás 8:30 h de luns a venres, e ás 16:30 h os luns e martes, soará unha segunda serea que sinalará o comezo das clases. O profesorado incorporarase ás aulas con tempo suficiente para que o inicio efectivo da clase se produza co segundo toque de serea. A mesma secuencia repetirase ao finalizar cada un dos dous períodos de lecer, con toques de serea ás 10:25-10:30 h e 12:25-12:30 h respectivamente.

Cambios de clase.- Entre as horas 1ª e 2ª, 3ª e 4ª , 5ª e 6ª e 7ª e 8ª, e 9ª no seu caso, haberá un só toque de serea, que sinalará o final dunha clase e o comezo da seguinte. O alumnado que saia dunha aula dirixirase de inmediato á aula onde vaia ter a seguinte clase e incorporarase a ela. Nestes cambios de clase non procederá acudir aos armarios metálicos. ● Corredores.- Durante o tempo que o alumnado deba permanecer nos corredores ao comezo da xornada ou no remate dos períodos de lecer procurará non formar aglomeracións para non obstruír o paso. Nos cambios de clase, con carácter xeral, circularase pola metade dereita do corredor no sentido do avance. ● Exames.o Con carácter xeral, o alumnado que estea a realizar exames ou outras probas escritas deberá permanecer na aula correspondente durante toda a hora lectiva. Porén, cando estas probas se realicen durante a última hora da mañá ou da tarde, o profesorado correspondente poderá permitir a saída do centro daqueles alumnos/as, a partir do 3º curso da ESO incluído, que teñan rematado a proba e que estean autorizados previamente para iso polos seus responsables. o Con carácter xeral, os exames e demais probas escritas celebraranse durante o horario lectivo. Soamente se poderán convocar exames e outras probas escritas fóra do horario lectivo se existe a conformidade da totalidade do alumnado afectado. o Como norma xeral, realizaranse como máximo dous exames no mesmo día.  GARDAS ▪ Durante todo o horario escolar haberá polo menos un membro do equipo directivo no centro, se é posible, dispoñible para atender calquera incidencia que se poida producir. ▪ O profesorado de garda estará constituído por: ● Profesorado de garda de clase ● Profesorado de garda na aula de Atención Educativa e Convivencia ● Profesorado de garda de biblioteca ● Profesorado de garda en horario non lectivo

3

▪

▪

▪ ▪

▪

▪

▪

▪

▪ ▪

♦ Profesorado de garda de transporte ♦ Profesorado de garda en períodos de lecer. Todo o profesorado de garda asignado a cada hora lectiva comezará a súa función comprobando que non se produciron ausencias de profesorado nas aulas. Unha vez comprobado que a súa presenza non é necesaria para cubrir eventuais ausencias o profesorado de garda con funcións específicas (AEC e biblioteca) incorporarase ás dependencias correspondentes. O profesorado de garda de clase que non estea ocupado substituíndo a un profesor/a estará pendente de calquera incidencia que se poida producir ao longo da hora lectiva correspondente. Cando se produza a ausencia dun ou máis profesores/as o profesorado de garda procederá a substituílos facéndose cargo dos correspondentes grupos de alumnos/as. Realizarán a substitución preferentemente os profesores/as de garda de clase, e, se for necesario, recorrerase ao profesorado de garda en AEC e biblioteca, por esta orde. Con carácter xeral, a substitución realizarase na aula onde se fose impartir a clase correspondente. No caso de que a ausencia sexa dun profesor/a de Educación Física o profesorado de garda buscará unha aula baleira onde aloxar ao grupo correspondente. En caso de non habela recorrerá ao salón de usos múltiples. No caso de que se produzan máis ausencias das que o profesorado de garda poida cubrir, este profesorado procederá a reunir dous ou máis dos grupos afectados no salón de usos múltiples se non estivera ocupado. En situacións excepcionais, onde as anteriores instrucións non fosen de aplicación, o profesorado de garda arbitrará solucións de emerxencia en colaboración co membro do equipo directivo de garda. Cando a ausencia/s de profesorado se produza a última hora da mañá ou da tarde o profesorado de garda poderá permitir a saída do centro daqueles alumnos/as, a partir de 3º da ESO incluído, que estean previamente autorizados para iso polos seus responsables. O profesorado de garda anotará no libro de gardas da sala de profesores as ausencias e retrasos que se teñan producido durante o período así como calquera incidencia que considere digna de mención. O profesorado de garda en períodos de lecer atenderá ás incidencias que se poidan producir no recinto exterior e nos corredores. O profesorado de garda de transporte atenderá as posibles incidencias que se poidan producir desde a chegada do transporte escolar ata o inicio da xornada escolar e desde o final desta xornada ata a partida do último autobús. O funcionamento das gardas de transporte rexerase polo seguinte protocolo: ♦ Os responsables dos autobuses do transporte escolar non permitirán a baixada do alumnado transportado ata as 8:15 horas. ♦ O alumnado transportado deberá entrar inmediatamente no recinto do Instituto cando baixe do transporte escolar. ♦ A apertura do centro terá lugar, con carácter xeral, ás 8:15 h. ♦ Entre as 8:15 h e as 8:30 h de luns a venres (e entre as 16:15 h e as 16:30 h da tarde do luns) haberá sempre un profesor/a ou un membro do equipo

4 directivo de garda, que atenderá calquera incidencia que se puidese producir co alumnado que chega ao recinto do Instituto. A función de garda non se estenderá máis alá dos límites de dito recinto. ♦ Desde as 14:10 h de luns a venres (e desde as 18:10 h a tarde do luns) ata a partida do último autobús escolar haberá un profesor/a ou un membro do equipo directivo desenvolvendo funcións análogas ás especificadas para o caso da chegada do transporte.  PERÍODOS DE LECER ▪ Durante os períodos de lecer o alumnado abandonará as aulas, que permanecerán pechadas agás no caso de que o profesorado decida permanecer nelas. ▪ Os espazos onde o alumnado poderá permanecer durante os períodos de lecer serán os seguintes: ● O recinto exterior do Instituto, delimitado polo correspondente peche, incluíndo as pistas polideportivas. ● Os soportais do edificio. ● O pavillón polideportivo cando existan neste período actividades deportivas asistidas por un profesor/a. ● Os vestíbulos e corredores da planta baixa e planta semi-soto. ▪ Adicionalmente, permitirase o acceso do alumnado aos corredores das plantas 1ª e 2ª, co obxecto de lles facilitar o acceso aos armarios escolares e aos servizos, así como a consultas ao profesorado que permaneza nas aulas durante estes períodos. Porén, non se considerarán estes corredores como espazos de xogo e diversión, polo que o alumnado que acceda a eles deberá gardar a debida compostura (sen carreiras nin gritos). Tampouco estará permitido levar nin consumir comida nin bebida nestes corredores. O profesorado de garda nos períodos de lecer estará facultado para ordenar o desaloxo destas zonas daqueles alumnos/as que, ao seu criterio, estean a incumprir estas normas. ▪ En ningún caso o alumnado poderá abandonar o recinto do Instituto durante o horario escolar, incluíndo os períodos de lecer, agás para dirixirse ao pavillón polideportivo cando existan actividades deportivas asistidas por un profesor/a neste período. Malia isto, permitirase ao alumnado de bacharelato e aos que teñan 16 anos cumpridos e o xustifiquen documentalmente, permanecer na zona exterior delimitada polo peche do recinto, o final da pavimentación da rúa Uxío Novoneyra e o regato que discorre entre o Instituto e o pavillón polideportivo, comprometéndose todos eles a deixar dita zona en perfectas condicións de limpeza.  BIBLIOTECA ▪ A biblioteca do Instituto ten como finalidade facilitar ao alumnado o acceso á lectura e fomentar nel este hábito. ▪ Permanecerá aberta durante os períodos de lecer a todas as horas ás que as dispoñibilidades de persoal docente o permitan. ▪ Establecerase un equipo de profesores/as encargados da xestión e dinamización da biblioteca, exercendo un/unha deles a función de coordinador/a. ▪ Durante os períodos de lecer funcionará un servizo de préstamo de libros ao alumnado

5 ▪

O equipo de profesores encargado da xestión da biblioteca establecerá as normas que rexerán o préstamo de libros e a súa devolución. ▪ O uso da biblioteca polo alumnado durante os períodos lectivos realizarase sempre coa presenza do profesorado ao cargo do grupo correspondente. O alumnado non poderá faltar a clase para acudir á biblioteca. ▪ Con carácter xeral, o profesorado de garda na biblioteca non permitirá a presenza nela de alumnado sen profesorado responsable.  USO DE MÓBILES E OUTROS DISPOSITIVOS ELECTRÓNICOS ▪ Está terminantemente prohibido o uso polo alumnado de teléfonos móbiles e dispositivos electrónicos afíns, así como dos seus accesorios habituais (cascos, auriculares, etc.) tanto dentro do edificio como en todo o recinto do Instituto e pavillón polideportivo. ▪ Cando o alumnado acuda ao centro provisto de dispositivos deste tipo deberá tomar as medidas precisas para que estes permanezan en todo momento inactivos (de xeito que non poidan emitir ningún tipo de son) e ocultos (en petos, bolsos ou mochilas de xeito que nunca estean facilmente accesibles para o seu uso). ▪ Os incumprimentos desta norma terán a consideración de condutas contrarias ás normas de convivencia e así serán rexistrados polo profesorado que os detecte. ▪ O profesorado estará facultado para requirir ao alumnado que incumpra esta norma a entrega do dispositivo electrónico causante do incumprimento, entrega que o alumno/a efectuará de inmediato. ▪ A negativa a entregar o dispositivo requirido poderá ter a consideración de conduta gravemente prexudicial para a convivencia. ▪ O profesorado entregará os dispositivos requisados na secretaría do Instituto onde quedarán custodiados ata que sexan retirados polos responsables do alumnado infractor. ▪ O alumnado maior de idade que teña solicitado previamente o recoñecemento desta condición poderá retirar os dispositivos requisados na secretaría ao rematar a xornada escolar.  ARMARIOS ESCOLARES ▪ A cada alumno/a asígnaselle un armario escolar cando se matricule por primeira vez no centro para o seu uso durante o curso escolar (de setembro a xuño), facéndoselle entrega dunha chave da que se fará responsable. Esta chave será devolta ao centro cando o titular do armario deixe de ser alumno do Instituto por calquera causa. ▪ Unha vez asignados os armarios escolares son intransferibles, non podendo os alumnos/as cedelos nin intercambialos. ▪ Os armarios escolares utilizaranse exclusivamente para gardar o material escolar e roupa de abrigo. Queda expresamente prohibido gardar neles diñeiro e obxectos de valor, así como calquera substancia perigosa ou prexudicial para a saúde. Só se poderán gardar aqueles alimentos destinados ao consumo diario, que non poderán permanecer nos armarios dun día para outro. O alumno/a adxudicatario do armario escolar será responsable de calquera incumprimento destas normas. ▪ Prohíbese calquera tipo de pintada ou graffiti, así como o uso de adhesivos, tanto

6 na parte exterior como na interior dos armarios escolares, sendo responsable o alumno/a adxudicatario do seu mantemento e limpeza. ▪ O armario escolar non é un espazo privado do alumno/a adxudicatario, polo que a Dirección do centro poderá en calquera momento e sen aviso previo ordenar a inspección do seu contido e estado. ▪ Os furtos ou roubos, así como os danos intencionados ou por mal uso dos armarios escolares serán considerados como condutas gravemente prexudiciais para a convivencia. ▪ Con carácter xeral, os alumnos/as poderán acceder ós seus armarios escolares antes do comezo das clases, ao comezo e ao remate dos períodos de lecer, e ao remate das clases. Non poderán acceder a eles entre clase e clase, de xeito que deberán acudir ás aulas provistos do material escolar necesario para as dúas horas de clase seguintes. ▪ Cando se produza o extravío da chave dun armario escolar o alumno titular do mesmo deberá facerse cargo dos gastos da substitución da pechadura. ▪ Ao remate de cada curso escolar, no mes de xuño, os armarios escolares deberán quedar baleiros e abertos para que o persoal encargado da limpeza poida acceder a eles.  CAFETERÍA ▪ Como norma xeral, o alumnado só poderá acceder á cafetería durante os períodos de lecer. ▪ Poderase autorizar o acceso á cafetería durante o as horas de clase a alumnos/as que o soliciten por circunstancias excepcionais debidamente xustificadas.  LIMPEZA ▪ Co obxecto de contribuír ao mantemento das instalacións do centro nun bo estado de conservación e limpeza, a Xefatura de Estudos establecerá unha rolda de xeito que cada semana un grupo de alumnos/as, dirixido polo profesorado titor, se encargará da limpeza do recinto exterior, recollendo bolsas, papeis e calquera outro material de refugallo que nel se poida atopar.  FALTAS DE PUNTUALIDADE E ASISTENCIA ▪ FALTAS DE PUNTUALIDADE ● O profesorado permitirá a incorporación á aula do alumnado que chegue tarde á clase e rexistrará a correspondente falta de puntualidade. ● A reiteración de faltas de puntualidade terá a consideración de conduta contraria ás normas de convivencia, que será valorada pola Xefatura de Estudos ● As faltas de puntualidade que se produzan á primeira hora da mañá ou da tarde serán susceptibles de xustificación polas familias nos mesmos termos que as faltas de asistencia. ● As faltas de puntualidade que se produzan en horas intermedias da xornada lectiva terán, con carácter xeral, a consideración de inxustificables, agás casos concretos que serán valorados polo profesorado titor. ● Cando un profesor/a constate que unha falta de puntualidade dun alumno/a se produce de maneira intencionada, poderá considerala como conduta contraria ás normas de convivencia e rexistrala deste xeito.

7 ▪

FALTAS DE ASISTENCIA ● O tratamento das faltas de asistencia do alumnado rexerase polas presentes NOF, que desenvolven para estes efectos o establecido no Protocolo de Prevención e Control do Absentismo Escolar en Galicia aprobado pola Consellería de Cultura, Educación e Ordenación Universitaria o 31 de xaneiro de 2014 ● XUSTIFICACIÓN DE FALTAS ♦ As faltas de asistencia xustificaranse polas persoas responsables do alumno/a perante o profesorado titor, en impreso normalizado que estará a disposición do alumnado e familias na conserxería así como na páxina web do centro ♦ O prazo para xustificar as faltas de asistencia abranguerá os 5 días hábiles seguintes ao da reincorporación do alumno/a tras o período de ausencia. Transcorrido este prazo o profesorado titor non aceptará xustificacións. ♦ Consideraranse faltas xustificables, para as que se requirirá a correspondente xustificación documental (informe médico, citación, etc.), as recollidas no mencionado Protocolo de Absentismo, a saber:  a) Citacións que impliquen un deber inescusable, sendo xustificable o tempo necesario.  b) Morte ou enfermidade grave dun familiar de primeiro ou segundo grao, sendo xustificables ata un máximo de 4 días lectivos por cada evento causante.  c) Tramitación de documentos oficiais, presentación a exames e probas oficiais ou similares, sendo xustificable o tempo necesario.  d) Enfermidade, sendo xustificable o tempo de prescrición médica. ♦ Ademais das contempladas no apartado anterior consideraranse faltas xustificables as debidas a indisposicións leves que poida sufrir o alumno/a, sempre que non superen o dez por cento (10%) dos períodos lectivos do mes en curso. Nestes casos non se requirirá xustificación documental, sendo suficiente a comunicación ao profesorado titor polas persoas responsables do alumno/a. O establecido neste punto non será de aplicación ao alumnado que teña recoñecida a súa condición de maior de idade nos termos especificados no apartado correspondente destas Normas, que se rexerá polo establecido no punto seguinte ♦ O alumnado que teña recoñecida a súa condición de maior de idade nos termos especificados no apartado correspondente destas Normas poderá xustificar ausencias sen necesidade de presentar documentación xustificativa por un máximo de 24 períodos lectivos por curso escolar. Unha vez esgotada esta marxe, calquera ausencia deberá ser xustificada documentalmente polo alumno/a, tendo a ausencia a consideración de non xustificada en caso de non se presentar a documentación requirida. ♦ A xustificación das ausencias que afecten á realización de exames e outras probas rexerase polo que os distintos departamentos didácticos establezan nas súas respectivas programacións. ♦ As faltas de asistencia atribuíbles a outras causas excepcionais non

8

●

●

contempladas nos apartados anteriores serán valoradas polo profesorado titor en cada caso. O profesorado titor terá a potestade de aceptar ou non as xustificacións destas faltas despois de escoitar ás persoas responsables do alumno/a. ABSENTISMO ESCOLAR NA EDUCACIÓN OBRIGATORIA. ♦ En aplicación do mencionado Protocolo establecido pola Consellería de Educación considerarase que hai unha situación de absentismo cando un alumno/a da ensinanza obrigatoria acumule nun mes un número de faltas de asistencia non xustificadas que supere o dez por cento (10%) dos períodos lectivos correspondentes a ese mes. ♦ O período de cómputo das faltas de asistencia non xustificadas a efectos de determinar se se está a producir unha situación de absentismo será o mes natural ♦ Cando o profesorado titor constate que as faltas de asistencia non xustificadas dun alumno/a de ensinanza obrigatoria superan o sete por cento (7%) dos períodos lectivos correspondentes ao mes en curso convocará as persoas responsables deste a unha reunión coa finalidade de analizar a situación que se está a producir e tratar de corrixila, evitando que se chegue a unha situación de absentismo. ♦ Cando o profesorado titor constate que un alumno/a da ensinanza obrigatoria incorreu en absentismo escolar, nos termos establecidos nas presentes normas, comunicará tal feito á Xefatura de Estudos, que iniciará o correspondente expediente de absentismo, seguindo o procedemento establecido no mencionado Protocolo. ♦ As citacións e comunicacións ás persoas responsables do alumno/a da ensinanza obrigatoria ao que se lle teña iniciado un expediente de absentismo realizaranse por unha dobre vía:  Escrito, utilizando os anexos establecidos no Protocolo, que será entregado en man ao alumno/a para que o faga chegar aos seus responsables.  Mensaxe SMS certificado ao teléfono/s móbil/es das persoas responsables. PERDA DO DEREITO Á AVALIACIÓN CONTINUA NO BACHARELATO ♦ A acumulación de faltas de asistencia non xustificadas por un alumno/a nunha determinada materia, con independencia da etapa e nivel educativo que estea a cursar, pode implicar a imposibilidade de aplicar os criterios da avaliación continua que son de aplicación para o conxunto do alumnado. ♦ Cando, en aplicación do disposto nas presentes normas, se dea tal situación, o alumno/a perderá o seu dereito á avaliación continua na materia ou materias afectadas, e terá a opción a realizar unha proba final para superala/s. ♦ A perda do dereito á avaliación continua nunha materia producirase automaticamente cando o alumno/a acumule un número de faltas de asistencia non xustificadas nesa materia que supere o dez por cento (10%)

9

♦

♦

♦ ▪

do total de períodos lectivos correspondentes á mesma no conxunto do curso escolar. Cando un alumno/a acumule un número de faltas de asistencia non xustificadas nunha materia que supere o catro e o sete por cento (4 e 7%) do total de períodos lectivos correspondentes á mesma no conxunto do curso escolar o profesorado titor cursará aos seus responsables os correspondentes apercibimentos nos que se fará constar as consecuencias sobre o proceso de avaliación que se producirán no caso de superar o tope establecido do dez por cento (10%). Ao alumnado do Ciclo de Grao Medio de Formación Profesional aplicaráselle, a efectos da perda do seu dereito á avaliación continua, a súa normativa específica. A perda do dereito á avaliación continua non será de aplicación ao alumnado da Educación Secundaria Obrigatoria.

FOLGAS ● Aínda que o dereito de folga non está recoñecido na lexislación vixente para o alumnado da educación secundaria, é frecuente que organizacións sindicais e estudantís convoquen con carácter colectivo a este alumnado a non asistir a clase en determinadas datas con fins reivindicativos. As presentes normas pretenden regular as situacións de feito que se producen con motivo destas convocatorias co obxecto de manter informados aos responsables do alumnado acerca do seu desenvolvemento. ● Cando o alumnado sexa convocado polas organizacións sindicais e estudantís a non asistir a clase nunha determinada data aplicarase o seguinte procedemento: ♦ A información relativa á convocatoria que chegue ao centro por calquera medio será trasladada ao presidente/a da Xunta de Delegados. ♦ O presidente da Xunta de Delegados, con autorización da Dirección, procederá a convocar a dita Xunta durante un período de lecer para darlle a coñecer dita información. ♦

♦

♦

Seguirase o mesmo procedemento cando sexan os delegados e/ou os representantes do alumnado no Consello Escolar os que polos seus propios medios obteñan a información sobre a convocatoria. Os delegados de clase informarán do contido da convocatoria nas súas aulas respectivas e recollerán as sinaturas dos alumnos/as que desexen secundar a convocatoria. A continuación entregarán ditas sinaturas na Xefatura de Estudos. A Dirección do centro enviará, a través dos propios alumnos/as un escrito dirixido aos seus responsables co obxecto de informalos das intencións dos seus fillos/as con respecto á convocatoria.

♦

En caso de que os responsables do alumnado autoricen aos seus fillos/as a faltar a clase o día da convocatoria deberán darse por informados asinando ao pé do escrito, co único efecto de que esa falta de asistencia terá a consideración de xustificada.

♦

En caso de que os pais/nais non autoricen a falta de asistencia basta con que os seus fillos asistan ao centro con normalidade, independentemente

10 da intención que tiveran manifestado inicialmente.  CONDUTA ▪ O tratamento das faltas de conduta do alumnado terá como referencia o establecido na Lei 4/2011, do 30 de xuño (DOG do 15 de xullo), de convivencia e participación da comunidade educativa e na lexislación que no futuro a desenvolva ou substitúa. ▪ INCIDENCIAS DE CONDUTA ● O profesorado rexistrará as incidencias que, segundo o seu criterio, merezan a cualificación de condutas leves contrarias ás normas de convivencia, utilizando para iso a aplicación informática SIXA, e sancionarán estas condutas cunha amoestación que como tal quedará rexistrada. ● As persoas responsables do alumnado recibirán notificación por vía mensaxe SMS cando os alumnos/as ao seu cargo incorran nunha conduta leve contraria ás normas de convivencia. ● A acumulación de condutas contrarias ás normas de convivencia ao longo dun mesmo curso escolar poderá ter a consideración de conduta gravemente prexudicial para a convivencia, dando lugar ás oportunas sancións nos termos establecidos na mencionada Lei de convivencia. ▪ AULA DE ATENCIÓN EDUCATIVA E CONVIVENCIA ● Cando a conduta dun alumno/a resulte, a xuízo do profesor/a correspondente, incompatible coa súa permanencia na aula, por impedir o normal desenvolvemento da clase, poderá remitilo á Aula de Atención Educativa e Convivencia (no sucesivo AEC), sempre que na hora lectiva correspondente exista profesorado de garda asignado a dita aula. ● A derivación dun alumno/a á aula AEC e a conduta que a xerou será rexistrada polo profesor/a correspondente a través da aplicación informática SIXA e notificada aos seus responsables vía mensaxe SMS ● As condutas que dean lugar a unha derivación á aula AEC serán contablilizadas xunto coas demais condutas leves contrarias ás normas de convivencia a efectos da súa acumulación e as consecuencias da mesma. ● Cando un profesor/a envíe a un alumno/a á aula AEC cumprimentará un parte, en impreso normalizado ao efecto, no que se recollerán as instrucións acerca do traballo que dito alumno debe realizar mentres que permaneza en dita aula. Este impreso será entregado ao alumno/a, que, á súa vez, entregarallo ao profesor/a de garda na aula AEC.  COMUNICACIÓN COAS PERSOAS RESPONSABLES DO ALUMNADO ▪ A comunicación do Instituto coas persoas responsables do alumnado seguirá as pautas establecidas no Plan de Acción Titorial e terá como principal referente ao profesorado titor. ▪ As persoas responsables do alumnado deberán facilitar, no momento da matrícula, un teléfono de contacto onde poidan ser localizadas durante a xornada escolar. ▪ O profesorado titor terá dentro do seu horario semanal unha hora destinada á atención ás persoas responsables do alumnado da súa titoría. ▪ O profesorado titor poderá citar as persoas responsables do alumnado da súa titoría para manter entrevistas con elas sempre que o estime conveniente,

11

▪

▪

▪

▪

▪

▪

estando ditas persoas obrigadas a comparecer. As persoas responsables do alumnado poderán solicitar entrevistarse co profesorado titor sempre que o estimen conveniente. A concertación destas citas será xestionada polo profesorado titor e comunicada aos responsables a través dos propios alumnos, por vía telefónica ou polos medios telemáticos que se establezan. O profesorado titor procederá a entrevistarse coas persoas responsables do alumnado do seu grupo da súa titoría durante os primeiros tres meses de cada curso escolar. O profesorado que non teña asignado ningún grupo de alumnos para exercer a súa titoría tamén terá dentro do seu horario semanal unha hora de atención ás persoas responsables do alumnado daquelas materias das que imparta clase. Por outra parte, o Orientador do Instituto estará a disposición de comunidade escolar, e tanto o alumnado como as persoas responsables del poderán solicitar entrevistarse con el para recibir consello e orientación. As citas, que poderán ser solicitadas vía telefónica, serán xestionadas polo propio Orientador Outras vías de comunicación entre o Instituto e as persoas responsables do alumnado serán: ● A web oficial do Instituto ● A aplicación web SIXA FAMILIAS, na que ditos responsables poderán consultar información actualizada diariamente acerca da asistencia e puntualidade, incidencias de conduta e outros informes relativos ao alumnado ao seu cargo. ● Comunicacións vía mensaxes SMS. ● Outros medios telemáticos que se establezan. ALUMNADO MAIOR DE IDADE ● As presentes Normas de Organización e Funcionamento aplicaranse por extensión a todo o alumnado do centro, incluíndo a aqueles que teñan acadado a maioría de idade. ● Os alumnos/as que acaden a maioría de idade mentres que cursan estudos no Instituto e os que xa a teñan acadado no momento de se matricular por primeira vez poderán solicitar en calquera momento á dirección do centro que se lles recoñeza formalmente esta condición. O recoñecemento será automático unha vez cursada a solicitude. ● Xunto coa solicitude o alumno/a declarará expresamente se autoriza ou non ao centro a seguir proporcionando información ás persoas ata o momento responsables del. O centro respectará en todo caso a opción exercida polo alumno/a ● Cando un alumno/a solicite que lle sexa recoñecida a súa condición de maior de idade o centro informará de tal circunstancia ás persoas ata o momento responsables del, así como da opción exercida acerca da información que se lles pode proporcionar. ● Todas as referencias feitas nestas normas ás persoas responsables do alumnado entenderase que se fan ao propio alumno/a cando este teña recoñecida a súa condición de maior de idade, coa excepción que se desenvolve no apartado correspondente ao procedemento de xustificación de

12 faltas de asistencia.  ACTIVIDADES COMPLEMENTARIAS  Enténdense por actividades complementarias aquelas que se programen e realicen dentro do horario lectivo, aínda que nalgúns casos pódense estender a parte do horario non lectivo e que supoñan o desprazamento do alumnado fóra do recinto escolar a pé ou en calquera medio de transporte. Neste apartado cabe incluír as visitas, traballos de campo, viaxes didácticas, de fin de estudos, intercambios e outras semellantes.  A participación do alumnado nestas actividades terá carácter voluntario, sendo as persoas responsables del quen decidan acerca de dita participación.  Ao comezo de cada curso escolar requirirase ás persoas responsables do alumnado para que asinen un documento autorizando ou non ao alumnado ao seu cargo a participar nas actividades complementarias que se celebren ao longo do curso.  A autorización á que fai referencia o punto anterior implicará para o alumno/a a obrigatoriedade de participar en todas as actividades complementarias e extraescolares que se celebren ao longo do curso.  En todas as actividades complementarias de non máis dun día de duración que supoñan un desprazamento de alumnado o transporte correrá a cargo do centro.  O alumnado que se desprace para unha actividade complementaria ou extraescolar irá acompañado por profesorado na proporción regulamentariamente establecida.  O profesorado acompañante a unha actividade complementaria percibirá a dieta establecida de media pensión por cada día completo de saída.  O profesorado que, permanecendo no centro, quede liberado de clases por se ter desprazado os seus alumnos/as a unha actividade complementaria ou extraescolar colaborará co profesorado de garda na atención a aqueles grupos que queden sen profesor/a. Así mesmo, este profesorado poderá ser requirido para acompañar ao alumnado que se despraza na actividade cando as circunstancias así o aconsellen.  A acumulación polo alumnado de condutas contrarias ás normas de convivencia ao longo dun mesmo curso escolar poderá dar lugar á suspensión pola Xefatura de Estudos do seu dereito a participar en actividades complementarias e extraescolares.  Na programación das actividades complementarias procurarase evitalas en datas próximas ás das avaliacións así como no terceiro trimestre do curso escolar.  VIAXES DE MÁIS DUN DÍA DE DURACIÓN ▪ Para que unha viaxe de máis dun día de duración poida levarse a cabo deberá inscribirse nela un mínimo do 25% do alumnado a quen vai dirixida. ▪ As condicións da viaxe deben incluír o custo da pensión completa do profesorado acompañante. No caso de que dito custo non estea incluído na oferta da axencia de viaxes será distribuído entre o alumnado participante. ▪ O alumnado que non realice estas viaxes deberá asistir a clase con normalidade. ▪ A actividade a realizar en clase durante este tipo de viaxes estará suxeita ás seguintes normas: ● Cando acuda á viaxe un número de alumnos/as que estea entre o 25% e o 40% do alumnado, o profesorado correspondente poderá, se o estima conveniente, avanzar no desenvolvemento dos contidos da materia impartida. ● Cando acuda á viaxe un número de alumnos/as que supere o 40% do

13 alumnado, o profesorado correspondente non desenvolverá novos contidos, dedicándose as clases a actividades doutro tipo, que non supoñan desenvolvemento de novos contidos. ● As porcentaxes ás que se fai referencia neste apartado computaranse para cada unha das materias.  ACTIVIDADES EXTRAESCOLARES  Enténdense por actividades extraescolares aquelas que se programen e realicen fóra do horario lectivo, tanto se teñen lugar dentro do recinto escolar como fóra del, e que non gardan relación directa co currículo escolar  Estas actividades poden estar polo propio centro ou ben por outras entidades sen ánimo de lucro como poden ser a ANPA e o Concello de Oleiros.  A realización destas actividades, que deberán contar sempre con persoal cualificado para atendelas estará suxeita á súa aprobación polo Consello Escolar.  REPRESENTANTES DO ALUMNADO  A representación do alumnado a efectos da súa participación na xestión do Instituto estará integrada polos representantes do alumnado no Consello Escolar e polos delegados/as e subdelegados/as de cada un dos grupos.  REPRESENTANTES NO CONSELLO ESCOLAR ▪ Os catro representantes do alumnado no Consello Escolar elixiranse consonte á normativa vixente e renovaranse por metades alternativas cada dous anos.  DELEGADOS/AS DE GRUPO ▪ Cada grupo de alumnado elixirá ao comezo de cada curso escolar un delegado/a e un subdelegado/a de grupo que ostentarán a súa representación. ▪ A elección do delegado/a e do subdelegado/a será presidida polo profesorado titor de cada grupo e realizarase durante o primeiro mes do curso por sufraxio universal libre, directo e secreto que se rexerá polas seguintes normas. ♦ Todos os alumnos/as do grupo serán electores e elixibles. ♦ Constituirase unha mesa electoral presidida polo profesor/a titor/a e da que formarán parte dous alumnos/as elixidos ao chou. ♦ Celebraranse dúas votacións. Na primeira delas cada alumno/a fará constar os nomes de dous compañeiros/as aos que outorga o seu voto. Na segunda votación cada alumno/a fará constar o nome dun dos cinco compañeiros que resultaron máis votados na primeira votación. ♦ O alumno/a que acade o maior número de votos será elixido delegado/a e o seguinte en número de votos subdelegado/a. ♦ Os empates resolveranse nunha terceira votación na que só serán elixibles os candidatos empatados. ♦ De persistir o empate tras unha terceira votación resolverase ao chou. ♦ O nomeamento do delegado/a e subdelegado/a poderá ser revogado cando se constate un incumprimento grave das súas funcións. A proposta de revogación formularase pola maioría do grupo perante o profesorado titor, quen procederá a abrir un novo proceso de elección.  XUNTA DE DELEGADOS ▪ Ao comezo de cada curso escolar, unha vez elixidos os delegados/as de cada un dos grupos, constituirase a Xunta de Delegados, da que formarán parte todos os

14 representantes do alumnado. ▪ A Xunta de Delegados, no acto da súa constitución, elixirá por sufraxio universal un Presidente/a, que exercerá a representación da mesma ante os órganos de goberno do centro. ▪ A Xunta de Delegados poderá reunirse en períodos non lectivos sempre que o solicite o seu Presidente/a. ▪ A Xunta de Delegados desenvolverá as funcións contempladas na normativa vixente.  ENTRADA EN VIGOR  As presentes NOF entrarán en vigor o primeiro día do curso seguinte ao da súa aprobación polo Consello Escolar  As presentes NOF substitúen ao vixente Regulamento de Réxime Interno, que quedará derrogado na súa totalidade no momento en que entren en vigor.