Pelegrinos del abismu ACTIVIDAES Enantes d’entamar recordate que lleas acompañáu/ada por boli y papel col envís de que vayas apuntando: 1. Lo que más y lo que menos te presta. Cuando acabes de lleer el llibru vas tener qu’esponelu en clas. 2. Los topónimos y llugares d’interés qu’apaecen nel testu. Mientres llees: 1. Resumi cada capítulu nunes poques llinies pa que nun escaezas nada de lo más importante. 2. Les palabres que nun conozas, alcuérdate de buscales nel Diccionariu de l’Academia de la Llingua Asturiana (www.academiadelallingua.com/diccionariu) y facer con elles un pallabreru que tienes que presentar al profesor. Depués de lleer contesta: 1. Resumi nuna palabra’l tema del llibru. 2. ¿Ónde asocede la hestoria? ¿Cuántu tiempu dura l’aición? ¿En qué dómina del añu se desendolca? 3. Enumbera los personaxes y dixébralos en principales y secundarios. Xustifica esa partición. Describi a los personaxes principales. Principales

Secundarios

 Descripción: 4. ¿Quién ye’l narrador de la hestoria? ¿En qué persona cuenta los fechos? 5. Resumi lo qu’Enol escribió d’Alicia nel so diariu enantes de que s’atoparen. 6. ¿Por qué crees que’l llibru entitúlase asina?

7. ¿En qué mediu de tresporte se mueven Enol y Alicia? 8. ¿Qué investiguen los protagonistes? ¿cuántes muertes hai? Describi cómo asocedieron les dos muertes. 9. El güelu d’Enol quier que’l so ñetu y Alicia escriban delles seiciones del periódicu, ¿cuáles? Escueyi una d’eses seiciones y escribe un testu de cinco llinies que se puea asoleyar nella. 10. A dellos de los personases llámenlos Los del Monte; ¿por qué los llamen asina? ¿Qué rellación hai ente ellos? ¿Qué importancia tienen nel trescurrir de los fechos? 11. ¿Cómo dicen en llibru que güel el pescáu podre? ¿Cómo güel pa ti? (si enxamás lo golisti nun tienes más qu’inventalo). 12. ¿Cuál ye’l nome del periódicu tan importante na novela? Na portada del llibru apaez un titular, ¿correspuéndese cola verdá depués d’investigáu’l casu? 13. Nel llibru, ¿qué ye’l barcu? 14. Fai un mapa del pueblu onde apaezan tolos topónimos y tolos llugares d’interés qu’apaecen nel llibru. Nun escaezas allugar la redaición del Faru de Noticies. 15. ¿Cómo describe Enol la mar dende La Islla Prieta? ¿Cómo la describiríes tu dende la to tuaya braniega? 16. Diseña la primer plana d’un periódicu na qu’apaeza’l nome del to periódicu, el logotipu, la fecha y una noticia destacada que se desendolque nel llugar onde vives o nel institutu al que vas. Tienes que poner, a cinco columnes, un titular, un subtítulu, una firma y un cuerpu de la noticia. 17. Según los guardies, ¿cuála foi la prueba más importante de toes na investigación? ¿Quién la atopó? 18. Busca nesta sopa de lletres estes palabres: apareyu, barquín, cai, cámbaru, llumera, ocle, ronchel, sable. Amás, descríbiles coles tos palabres.

Apareyu Barquín Cai Cámbaru Llumera Ocle Ronchel Sable P’acabar busca unes llinies sobre l’autor y la obra: 1. Rellena esta ficha de llectura AUTOR (Apellíos, Nome): TÍTULU: ILLUSTRADOR: EDITORIAL: AÑU Y LLUGAR D’ESPUBLIZAMIENTU: COLEICIÓN Y NÚMBERU: 2. Ónde nació l’autor y en qué añu. Principales llibros y premios