SISTEMAS DE TRANSFORMACIÓN DO MOVEMENTO. 1) Mecanismo biela-manivela: É un sistema composto por 2 barras articuladas entre si, que se usa para transformar un movemento rectilíneo en circular ou viceversa. Á barra que normalmente está rixidamente unida a un volante de inercia se lle denomina Manivela e á barra articulada a ela se lle chama Biela (normalmente é de maior lonxitude).

2) Cegoñal: Consiste nun conxunto de mecanismos biela-manivela que funcionan conxuntamente ó estar unidos entre si. Co cegoñal conséguese que a transmisión da potencia xerada no motor sexa máis uniforme, xa que se eliminan os puntos mortos. (Cada biela vai unida a un pistón diferente do motor, e recibe a forza das explosións en instantes diferentes, sincronizados de tal xeito que non se produce descanso no movemento de rotación xerado.)

3) Excéntrica: Consiste nunha roda á que se lle articula unha biela fora do seu centro xeométrico. Úsase para transformar o movemento circular en rectilíneo. (A biela non se movería en absoluto se estivera articulada no centro da roda). Se o comparamos co sistema Biela-Manivela, vemos que o funcionamento da Excéntrica é idéntico, pero nos aforramos a incorporación da Manivela ó colocar a Biela de xeito excéntrico.