Gospel Bulletin
June, 2016
Gospel Baptist Church of Myanmar Hakha Association
Thlathum Voikhat Chuak Bulletin A.D. 2016 …………………………………………………………………… …………………………………………………………………… (April, May, June)
Editor
No. (1) Voi (2)
: Pro-pastor Biak Ceu Thang
Joint Editor: Pastor Kyaw San Tutan Reldingmi Biatlaang pawl:
Editor Hmurka Ramlak ah a Aumi Awthawng Gospel Baptist Church Melbourne Tuanbia Tawi Pathian Sinah Nun Dih-Um in Raithawinak Krihfabu Kal Ningcang: Centralization vs. Interdependent Local Church Bible Harmi Halnak le Lehnak 2015-16 Cacawnkum GBHA Chungin Tanghra Awng GBHA Ministers Pawl Phone Numbers General Knowledge Quiz Thawngpang Bultan le Thlacam Cahnak
1
June, 2016
Editor Hmurka… A.D. 2016 kum tantim tiang dam tein lam a kan hruai i a voihnihnak Gospel Bulletin chuah kho than dingin vel a kan ngeihtu kan Pathian a Min sunglawi chin ko seh! Amen.
GOSPEL BULLETIN
Kum (8) nak
Gospel Bulletin
Gospel Baptist Church, Hakha Association member dihlak Bawi Khrih min in nan kut kan in tleih hna. Nan umnak hmun cioah Bawipa nih Thawngtha biatak karhnak dingah thluachuah in pe chinchin hna sehlaw hi Bulletin hmang zongin Pathian nih thazaang tampi in pe hna hraam seh! Cun hi Bulletin tlaamtling tein chuah a si khawhnak dingah capar a kan tial piaktu Pastor Jacob Lian, Sayamah Lydia Hniang Tum, le Rev. Joshua Ci Thang cungah le Association zung lei in caa a kan zohfel piaktu le a kan nam piaktu Rev. Amos Ni To, Sayamah Tha Par le Sayamah Ni Thluai Cin cungah lawmhnak tampi kan ngei. Bawipa nih a sunparnak caah hmang chinchin hna hraam seh! Amen. Tutan Bulletin ah sermon, Centralization le Local Church hruaining cuaithlainak, Melbourne GBC thawngpang, Tanghra awng cazin, Bible harmi kong ceihmainak le thawngpang bultan dangdang rel khawh an si. Cun mit tha dam deuh in kan rel khawh nakhnga cafang ngan deuh in tial a si. Tlaamtlin lonak le palh sualmi tete a um ahcun ngaihthiam dingin le, hi nakin a thancho chinchin nakding ah ruahnak tete zong rak kan cheu dingah Bawi Khrih min in kan in nawl fawn hna. Pro-pastor Biak Ceu Thang, C.L.C Editor 2
Gospel Bulletin
June, 2016
RAM LAK AH A AUMI AWTHAWNG (Luka 3:1-3) Pastor Jacob Lian Luka Thawngtha 3 nak ah Tipil petu Johan cu kum 30 a tling i Pathian rianttuan aa timhlamh lio te a si. Culio cu Tiberius Caesar a uk kum 15nak a si tiin kan hmuh i Johan he chankhat chuak a si mi Herod Antipas, a naupa Philip, Pontius Pilate, Tlangbawi Caiaphas le apu (A nupi i a pa) Annas (Johan 18:13) le hna cu Ramuktu thutdan le Biaknak lei hruaitu thutdan ah hmun an laa cio hna (Luka 3:1,2). Johan zong cu Tlangbawi phun a si ve. A nu le a pa cu Levi miphun, Aaron hrinthlaak an si. A pa zong Tlangbawi rianttuan in mipi hmai ah mithmai hmu ngaimi a si (Luka 1:5, 6). Cu ruangah Johan zong mitampi nih an uar ngaimi dirhmun sang, rian sang sinak zong Levi miphun a sinak thawng in a tlinh cia. Asiah cu chan lio i mitampi nih dirhmun sang an i cuh lulhmalh lio ah Johan nih zei rian dah a ttuan ve? Kan Bible i kan hmuhmi cu a pa keneh zong a zul lo, cu chan lio minung pawl nawl zong a cawng lo i ramcar lakah Khuaitizu le Khaubawk ei in le Kalauk phaw aih in a um ti kan hmuh (Matt 3:4). Mah cu hruhbia a si lo maw? Zeiruang ah Johan cu ramlak thengte ah um a herh? Pakhat nak ah, a chuahnak kongah a pa nih Vanmi a tonning, holhkho lo in thla 9-10 chung a umning, hawi min sak bal lomi JOHAN tiah a fa cu a sak le caangka in a holh thanning kha Judea ram ah a rak thang dih i Johan hi a upat tikah zeibantuk dah a si te lai tiah ruahchannak nganpi mipi
3
Gospel Bulletin
June, 2016
nih an rak ngei. Samson zong vanmi tiamhmi fa a si i Israel miphun an ral kut in a rak khamh bang a tu vanmi tiamhmi fa Johan hi Rome cozah kut in chuahnak ding hruaitu si hngamaw timi ruahchannak an ngei. Mahbantuk ruah channak cu Johan thih hnu ah Jesuh cung zongah an rak ngeih than (Johan 6:15). Cucaah Johan hi mipi lak ah tlongleng sehlaw mipi nih ram uktu tuan dingin, asiloah, a pa keneh zul dingin an tukforh peng lai. Mah nihcun a zumhnak lei a derter khawh i Pathian tinhmi lam zongin a pial kho. Mahbantuk cu Lot zong nih a rak ton cang (2Pet 2:7-8). Pahnihnak ah, ramlak a um ding hi Pathian tinh cia, khuakhan cia le Profet hmurka in rak chim ciami a si (Isaiah 40:3). Pathian hrimhrim nih a ra lai dingmi Messiah caah lamsialtu, hmaikaltu, sualngaihchihnak tipil petu le Pathian Pennak thawngtha chimtu ah a rak tinh cia cang. Mah rian vialte a tuantu pa cu profet Isaiah nih ramlak ah a aumi awthawng a rak ti. Johan nih Pathian A tinh piakmi rian cu fiang tein a hngalh i Awthawng ka si a ti ve (Johan 1:22-23). Johan Sinah Pathian Bia a Phan Vawlei tthutdan sang ah a thumi sinah Pathian Bia cu phan loin ramlak ah a ummi Johan sin ah Bawipa Bia a phan. Hohmanh nih an co lomi thil Johan nih a co. Hohmanh nih an ttuan lo mi Pathian bia phortu rian cu a ttuan. Vawlei rian cu kan ttuan lo zongah a ttuantu an um peng ko, Pathian Bia phortu rian cu zumtu nih kan ttuan lo ahcun vawlei ah ho nih dah a ttuan lai? Egypt ram nih ram uk thiam, innsak thiam (architect), mummify tuah thiam Sibawi, Magic thiam hna le mifim tampi an ngei ko nain kum 7 mangttaam in an luat khawhnak cu Pathian thlarau a ngei i Pathian Bia a phurtu Joseph ruangah a si. Nihin vawleimi hna kum 7 harsatnak pi 4
Gospel Bulletin
June, 2016
in an luat khawh nakhnga ralrinnak a petu le Pathian bia phortu cu nangmah hi na si, keimah bak hi ka si fawn. Information Technology (IT) fimnak a si lo, thiamnak phuntling le uktu hna khi an si fawn lo.
Gospel Bulletin
June, 2016
GOSPEL BAPTIST CHURCH MELBOURNE TUANBIA TAWI
Ramlak in a Aumi Awthawng Vawlei hmunsang lawng a uarmi Herod, Annas, Caiaphas tehna cu Jesuh nehsawhtu ah an rak cang. Pilate zong mipi pekmi ropuinak sungh a ttih ruangah a sual lo ti thei buin Jesuh cu thah dingah a rak ap ve tthiamtthiam nain cu ropitnak cu an co hlei lo. Minung thinlung chungmuru i ropitnak a cotu cu Johan a si deuh. Athih hnu hmanh ah Johan hi profet a si lo ti in hruaitu hna hmanh nih an chim ngam lo, mipi an thinhun ding an ttih (Mark 11:30). Cun Johan cu Pathian pekmi ropuinak zong a co (Luka 7:24-28). Johan cu Jesuh vawleicung ah a voikhatnak ratnak caah hmaikaltu, lamsialtu le a aumi awthawng a si bang nihin kannih zong Jesuh i thianglawr caah le a voihnihnak ratnak caah a aumi awthawng si dingin tinh cia le fialmi kan si (Matt 28:18-20; Lam 1:8). Cu dirhmun cu kan i fian awk a si i tinhcia a simi lam in a kan pialtertu a si hngami minung le thilri vialte zong Johan nih ramlak ah a rak kaltaak i a rak hrial bangin hrial thiam kan herh. Ramlak ah a aumi awthawng cu Johan a rak si nain nihin ah Pathian nih Johan thlah tthan a timh lo caah ahodah si hnga? ……………………….
Fig. 1. G.B.C Melbourne member pawl
Bawi khrih ah u le nau vialte hna Gospel Baptist Church Melbourne member hna nih nan kut kan in tlaih hna. Jesuh Khrih vel le daihnak cu nan cungah um ko seh. Australia ram ah Laimi a phaan hmasa pawl hi 1994 kum in a si i Khrihfabu zong 2000 kum in a rak dir cang. 2003 kum hnu in mi tampi Malaysia le Delhi lei in kan phaan hna i atu ahcun Melbourne city lawng hmanh ah Khrihfabu 29 hrawng an um cang. Gospel Baptist Church Melbourne Kong Gospel Baptist Church nih aa tinhmi a tlaangtar cu
5
6
Gospel Bulletin
June, 2016
vawleicung caah thawngtha (Gospel For The World) ti le mi vialte nih khamhnak hmu hnaseh ti le biatak hngal hna seh ti a si bantukin Pathian nih Gospel Baptist Church members hna cu khuaza ramkip ah a kan phanhter. Australia ram Melbourne khua zongah GBC member hna cu a kan phanh ter ve i cu kan phanhnak in kumzeimawzat chung cu Khrihfabu adang dangah kan rak i pum cio hna. 11/01/2014 ni ah GBC member cheukhat hna cu hmunkhat ah i tong in Gospel Baptist Church Melbourne timi min put tein Khrihfabu cu dir ve dingah khuakhaan ttinak kan rak ngei. Bawipa lam hruainak thawngin 09/02/2014 thawkin minung 19 (ngakchia le upa dihlak) cu pumhnak kan rak ngei. Thla 5 chung cu Pu Leng Maung te inn ah pumhnak kan rak ngei i June, 2014 thawkin Lutheran Church cu hlaang in pumhnak hmun ah kan hman. Atu ahcun Gospel Baptist Church Melbourne cu inn 7 (minung 35) kan si cang. Pastor 23/04/2016 in Pastor Jacob Lian cu GBCM i Pastor si dingin Pathian nih a kan pek. Hruaitu Hna 2014-2015 chung Church Chiarman cu Pu Thawng Za Hmung a si i 2016-2017 Khrihfabu hruaitu hna cu, Church Chairman Pu Leng Maung le Khrihfa upa pa 2, Nubu Upa pa 3, Mino upa pa 3 le Ngakchia chimtu pa 3 hna kan si. GBCM Tinhmi Mi vialte nih khamhnak an co nakding le biatak an hngalh nak dingah kan ti khawh tawk cio thlacamnak in siseh, peknak in siseh, thawngttha chimnak in siseh rian ttuan tti ding. 7
Gospel Bulletin
June, 2016
Khrihfabu members kan za tein dawtnak he chiatni/tthatni ah i zohkhenh ding. Ramkip um Gospel Baptist Church he kan sikhawh tawk le kan tikhawh tawk in a lamkip in i peh tlaih ding le Bawipa riantuan ti ding. Australia Chung Um Gospel Baptist Churh Hna Victoria Gospel Baptist Church (VGBC) Melbourne city i um Matupi kan u nau hna cu 08/02/2015 thawkin Victoria Gospel Baptist Church tiin dirh a rak si. Australia Gospel Baptist Church Melbourne city i um Matupi kan unau hna zong 13/07/2014 in Australia Gospel Baptist Church tiin dirh a rak si ve. Queensland Gospel Baptist Church (QGBC) Queensland state i um Brisbane city ummi Falam kan unau hna cu 23 February 2014 thawk in Queensland Gospel Baptist Church (QGBC) ti in dirh a rak si. Lunglawmhnak Bia Gospel Baptist Church Melbourne tuanbia tawi le thawngttha bia tialnak lam a kan awnhtu GBHA nan cungah kan i lawm. Lunglomhnak tampi he, Gospel Baptist Church Melbourne ………………… 8
Gospel Bulletin
June, 2016
Gospel Bulletin
June, 2016
Kan Thlacamnak A Hlawh A Tlin Tawn Lonak A Ruang Pawl
PATHIAN SINAH NUN DIH-UM IN RAITHAWINAK Sayamah Lydia Hniang Tum Hibantuk in caantha a ka pe siangtu kan Pathian cu a min thangthat in um ko seh! Amen. Kan biakmi kan Pathian hi zumtu a mifa hna caah a zungzal in chiatnak lei si loin thatnak lam ah a kan hruai zungzaltu a si. Asinain kannih zumtu nih amah sinah kan i peknak a dik lo caah le kan i pekning a hmaan lo ruangah thluachuah hi kan hmuh khawh lonak a si tawn. Pathian cu a dik le a hmaan ningin pek hi a duhmi a si. Zumtu nih dik le hmaan tein rian kan tuan i thluachuah kan hmuh khawh nakding ahcun thlacam hi a biapi a si ko. Cucaah Pathian nih a zungzal in thlacam uh a ti (1 Thess 5: 17). Thlacamnak hi micheukhat nihcun Thlarau laksawng ah an ruah theu tawn i biapi tuk ah an rel tawn lo. Sihmanhsehlaw Rom 12: 6-8, 1 Korin 12: 8-10, 28-30, 1 Peter 4: 10-11 le Efesa 4: 11 chung kan zoh tikah Pathian nih Thlarau laksawng a phunphun a pekmi chungah thlacam hi aa tel lo i zumtu a simi vialte nih kan cam hrimhrim dingmi tu khi a si deuh. Cun minung tampi nih thlacam thiam, thlacam hlawhtling kan timi tawnmi zong khi a hmaanmi a lo ngai nain a hmaan hlei lo. Zeicahtiah Pathian nih thlacamnak konglam ahcun thleidannak a ngei lo i zumtu hna nih nun kekkuai in Pathian sinah kan nun kan i pek a tam deuhdeuh paoh ahcun kan thlacamnak zong a hlawh a tling deuh lai. Cucaah zumtu vialte nih nun daithlaang lo le thachia lo tein thla cam zungzal ko usih! Nangmah thengte kha Pathian nih thla cam dingin an herhmi na si ko. 9
1. Kan sualnak kan phuan lo ruangah (Ps 51: 5; 66: 18): Nifate in kan sual zia, kan tlin lo zia le zeihmanh lo kan si zia hi i theihfian i David bantuk in Pathian sinah nun dihlak in thla a cam zungzal ding kan si. Zumtu cheukhat cu kan kaa cun ka sual tiah thla kan cam ko nain kan lungthin dihlak, nun kekkuai in kan cam tawn lo. Cucu Pathian duhmi a si lo. Saam 28: 3 ahcun, “an innpa sinah daihnak an chim nain an lungthin cu thatlonak a si,” tiah a ti. Cucaah kan Pathian cu lenglei a zohmi a si lo i chunglei zohtu a si caah nun thianghlim loin thlacam cu Pathian nih a cohlaang lo. Zumtu nih dik, hmaan, thianghlim tein thla cam i zuam usih! 2. Pathian duhning in thla kan cam lo ruangah: Jesuh cu lungrethei ngai in Gethsemane ah thla a cam lio ahkhan, “Ka Pa a si khawh a si ahcun hi hrai hin ka luatter ko. Sihmanhsehlaw keimah duhnak si hlah seh, nangmah duhnak si ko seh,” tiah thla a cam. Jesuh nih hi hrai hin luat a duh tuk ve ko nain amah duhnak kha aa thim lo; a Pa duhnak tu kha aa thim deuh. Zumtu kannih zong nih vawlei nih a chuahpimi –damlonak, zatlaaknak, mi nihsawhnak le dohnak phunkip kan ton tikah “ka luatter ko” tiin thlacam nakin “Pathian na duhnak bantuk in lam ka hruai ko” tiin thlacam hi a tha deuhmi thlacamnak a si. Saam 121: 4-8 ah kan hmuh bantuk in zeibantuk harsatnak kan ton caan zongah zohkhenhtu, veengtu, hupphengtu kan ngei ti hi philh hlah usih! Cucaah zumtu nih mah chungkhar le Khrihfabu caah mah duhning in thla a camtu si loin Pathian duhning in thla a camtu si tu i zuam hna usih. 3. Lung-awtawm in kan um tawn ruangah: Thla na cam tikah lung-awtawm lo tein na zumh hrimhrim lai. Lung-awtawm in a ummi cu thlichia nih a choihmi rili tilet bantuk a si (Jeim 1: 6). Zumtu nih thla kan cammi cu a tling lai tiah ruahchannak 10
Gospel Bulletin
June, 2016
nganpi he hngah kan hau ve. Zeicahtiah zumhnak hi ruahchanmi thil a um taktak tiah hngahnak, hmuh lomi thil hmuhfiannak a si (Heb 11: 1). Hannah cu a lungretheihnak kha Pathian sinah lunghno ngai le tap bu in thla a cam. Lung-awtawmnak ngei loin thla a cam caah Pathian nih a thlacamnak kha a leh. Zumtu tampi cu thla kan cam tikah kan kaa nih a chim ko bu ah kan lungthin nih a si kho tak hnga maw tiin lung-awtawmnak kan ngei theo tawn. Tahchunhnak ah, mi pakhat nih a thi dengmi mizaw caah thla a cam piak tikah na dam hrimhrim lai tiah thla a cam, sihmanhsehlaw leng a chuah tikah midang sinah a thi men ko lai, a dam kho theng hngamaw tiah a ti than. Cubantuk thlacamnak cu lung-awtawm thlacamnak a si caah Pathian nih a let bal lai lo. Cucaah zumtu nih kan chungkhar, kan Khrihfabu le midang caah thla kan cam tikah lungawtawm lo tein nun kekkuai in thla cam i zuam hna usih! 4. Kan lung a dongh tawn ruangah: Luke 18: 1 ah Jesuh Khrih nih lung dong loin thla cam zungzal uh a kan ti. Lungdongh nun hi sual phunkhat a si ve. Mi tampi nih Pathian hmaiah ka dik ka hmaan tiah kan ruah i sual hi ka tuah theng lo kan ti tawn. Asinain thil pakhatkhat Pathian sinah kan hal tikah zokzok in ka hlawh a tlin lo ahcun kan lung a dong i thlacam kan ngol tawn. Matthai 15: 21-28 chungah kan hmuhmi cu Gentile minu le Jesuh kong a si. Gentile minu nih a fanu a zawmi a dam khawhnak dingah Jesuh sinah lung dong loin a fuh-panh caah a fanu kha a dam bantuk in zumtu nangmah le keimah zong nih kan Khrihfabu, chungkhar le pumpak caah thlarau, taksa kan damnak dingah lung dong loin Pathian kan fuh ve ahcun Pathian nih damnak tling cu a kan pek ko lai. Cucaah zeitik caan paoh ah lungdong loin thla cam zungzal ko.
Gospel Bulletin
June, 2016
Nun Kekkuai in Thla a Cammi Nun Nun kekkuai in thla a cammi hna cu: 1. An sining kha an i hmu peng: Pathian sal David nihcun, “A derthawmmi le santlailomi ka si caah ka thlacamnak cu ka ngaih piak ko,” (Ps 86: 1) tiah thla a cam. Cun Pathian lawnglawng kha aa bochan i Bawipa inn ah a kal peng (Ps 122: 1). “Minung i bochan nakcun Bawipa i bochan cu a tha deuh, bawi i bochan nakcun Pathian i bochan kha a tha deuh” (Ps 118: 8, 9). Cucaah an sining aa theimi nihcun Pathian lengah bochan ding zeihmanh an ngei lo. Pathian tel loin zeihmanh ka tuah khawhmi a um lo ti an i fiang tuk. “Bawipa hmaiah daite in um ko law zeidah a tuah lai ti kha lungsau in hngaak ko (Ps 37: 7). 2. An ral kha an ngaihthiam kho (Lam 7: 59-60): Pathian nih zumtu hna cu kan ral hi dawt dingin a kan fialmi kan si. Cheukhat zumtu cu a kan dawtu kha kan dawt hna i a kan huatu kha kan haut ve hna. Mah zong hi Pathian nawl kan ngeih khawh lonak nun pakhat a si ve. Steven cu lung in an cheh chih lengmang lioah a khuk aa bil i fakpi in a au i, “Bawipa hi sualnak mawh hi an cungah tlunter hlah,” a ti. Zumtu nangmah le keimah zong nih a kan dotu, a kan huatu caah thlaza a cam piak khotu nun ngei ve hraam usih! 3. Nawlngaihnak nun an ngei: Nawlngaih hi raithawi nakin a tha deuh (1Sam 15: 22). Jesuh zong nih a pa nawl ngai tein a tuah caah minung vialte a kan khamh khawhnak a si. Cucaah zumtu cu Jesuh keneh zul ding hrimhrim kan si (1 Pet 2: 21). Pathian nih zumtu vialte hi Saul bantuk in nawlngaihlonun i nung ding a kan siang hrimhrim lo. Khua le ram, Khrihfabu, Chungkhar ah nawlngaih nun a ngeimi cu Pathian nih a hlei in thluachuah a pek ko hna. 12
11
Gospel Bulletin
June, 2016
4. An tonmi kip ah lawmhnak bia an chim (1Thess 5: 18): “Pathian sinah lomhnak chim cu nan raithawinak si seh” (Ps 50: 14). “Lomhnak chim hi keimah upatnak thawinak a si” (Ps 50: 23). Bawipa sinah kan tonmi kip ah lunglomhnak kan chim deuhdeuh ahcun Pathian nih lomhnak thar a kan pek chin lengmang tawn. Cucaah Pathian sin in kan tinvo cioah lunghnangam khomi nun ngeih hi Pathian nih a duhmi a si (1 Tim 6: 6). Zumtu vialte nih Bawipa hi zeitluk in dah a that ti kha nanmah tein va kawl cio hmanh uh. Amah cungah him tein a ummi cu a lung aa lawm (Ps 34: 8). Lunglomhnak hi kanmah tein kawl khawh a si lo, Pathian sin in a rami a si caah fekte in amha aa bochanmi cu lunglawm in an um ko. ……………………….. Mifim bia… Khuachia nih biapi ah a ruahmi thil pakhat cu Khrihfa hna thlacam loin umter hi a si. Thlacamnak tel lo cawnnak, tuannak le biaknak hna hi a tih naisai lo. Kan thazaang chuahnak cu a nihsawh men; kan fimthiamnak zong capo ah a saih men, sihmanhsehlaw thla kan cam tik ahcun thather in a um.
Samuel Chadwick
13
Gospel Bulletin
June, 2016
HRIHFABU KAL NINGCANG: CENTRALIZATION VS. INTERDEPENDENT LOCAL CHURCH
Rev. Joshua Ci Thang A tanglei capar hi Rev. Joshua Ci Thang nih Ministers Training & Conference, May 7-13, ah cawnpiak dingin a rak timhtuahmi note a si nain damlonak ruangah a rak cawnpiak kho lo. Tutan Bulletin ahhin G.B.C member dihlak nih ruahding le cuaithlai cio dingah a tawifiannak in kan rak chuah than. Centralization Hruainak A Thatnak: Local Church fa deuh pawl cu center nih a bomh. Saya mahte in a ngei kho lomi nih saya an ngei kho. Khrihfa bupi riantuantinak le lungkhat sinak a langhter. Zumhnak lei ah hmunkhat tein an kal kho; doctrine ah an i kilveng kho. Local Church dang pawl zong nih saya/mah pawl cu mah ta bulngeih in an ruah cio khawh hna. Phaisa hmunkhatte ah thawh cio a si tikah phaisa cazin pawl mipi le E.C. upa theih loin duhduh in hman khawh a si lo. Kumdih ah hmannak le hman lai dingmi cazin vialte General nih nemhnget a si. Biachah a herhmi pawl (biaharsa) a um tikah mah le Local Church nih Area ah, Area in Association ah, cun Convention tiang bia phanhter a si hi a tha. Mipi nawlngeihnak a si hi a tha. Saya/mah laksawng aa zat cio tein, mah le service book i hmuh le co a simi le thleidannak a um lo hi a tha. 14
Gospel Bulletin
June, 2016
Ram pumpi huap in pawlkomhnak a si ruangah Civuipi, Training ti tikah tha a tho ngaingai. A Thatlonak: Saya/mah pawl daithlan a fawi. Rian a tuan ngaimi le a tuan lem lomi an i khah zungzal caah an daithlaang i zuamnak le teimaknak a tlawm. Mipi nawlngeihnak a si ruangah nai-ngan-zi tuah i zuarthlainak a um kho. Cutikah saya/sayamah thawn a herh lomi i thawn ti a um kho. Saya/mah pawl thawn lengmang a si ruangah pension tikah an caah harsatnak a um kho. Local Church pakhat ah saupi um a si lo ruangah members pawl nih an saya/mah an huat zongah aa thial colh ko lai an ti i ruahnak tha le duhpiaknak an ngei kho tawn lo. Cun saya/mah zong nih hi khua ah sau kan um lem lai lo tiin thiltha zong tuah lo le thil chia zong thloh loin daite in um sawhsawh a fawi. Khrihfabu members pawl nih an saya/mah an duhdaw taktak kho lo. Khrihfabu pi nih laksawng an pek hna ko an ti i bulpak (pumpak) zongin zoh an tim lem hna lo. Phaisa zung ah tun tikah hrokhrol a fawi. Tck: mah Local Church ah ks 1000000/- lut sehlaw, a cheu nihcun ks 700000/- maw acheu nihcun ks 500000/- ti in lih chim khawh a si. Local Church pakhat le pakhat nahchuahnak in a khat. A caancaan ah General pi nawlngeihnak nakin E.C. hi nawlngeihnak sang deuh ngei in a lang tawn i thilthalo a chuak tawn. Rian tuan zongah laksawng aa zat veve, tuan lo zongah aa zat veve caah tlangriantuan in thutbu, dirbu, dinhbu in riantuan a fawi. 15
Gospel Bulletin
June, 2016
Interdependent Local Church Hruainak A Thatnak: Zumtu a hrinthanmi tlawmte in thawk a si i zumtu pawl nih an saya/mah thithruainak tangah an cawlcang. Cu mihrinthar tlawmte cu biatak tein thlacamnak le Pathian biatak chimnak in tan an la. Chaw le va an hmuhmi pawl 1/10, Sunday thawhlawm an hmuhmi pawl in saya/mah an si khawh tawkin an zoh, an cawm. An saya/mah zong nih laksawng a tlawm a tam ti loin a ngahmi chuun ah a lung a tling. An zohkhenhmi members pawl le saya/mah pawl cu lungrual in thlacamnak le Pathian bia chimnak in an cawlcangh tikah Pathian nih zumtu thar a karhter lengmang hna. Saya/mah zong um sawhsawh loin Paul bantuk in a eidin caah a kawl pah i Khrihfabu nih laksawng an pekmi he a si tikah inn le lo zong a ngei kho. Cun inn zuat satil pawl zong a ngei kho. A Khrihfabu members lak i misifak, miharsa zong a zohkhenh/a bomh khawh hna. Pastor cu Local Church i hruainak ah nawlngeitu bik bantuk an si caah amah zohkhenhmi Khrihfabu cu amah thithruainak in a kal kho lai. Pastor/sayamah le member pawl nih mah le Khrihfabu herh in bia cat kha zalong tein tuah khawh a si. Cun a herh caan ah caan sau rau loin bia chah khawh a si. Saya/mah pawl nih mah le comi Thlarau laksawng ningin zalen takin rian tuan khawh a si. Posting le Thutdan kongah buaiding a um lo. Meeting ah mah bak i tel in biachah a si tikah biaceihmi vialte cohlaan a si. 16
Gospel Bulletin
June, 2016
Khrihfabu caah bia ceih tikah innchungkhar pakhat bantuk in bia i ruah le biachah a si caah thazaang a dermi pawl nih thazaang an la deuh. Thlarau tlau tlaih, crusade, campign le training lei a tam deuh. Khrihfabu rian cu mahta tuan in tuan cio a si tikah, phurh rit hmanhsehlaw lungtho ngai in tuan cio a si. A herh ningin i thim le thlen khawh lengmang a si. Thlarau tlau tleih le member karh i zumtu pawl nutling patling si ding hi ruah le tuan a si. Saya/mah pawl an dam chung zohkhenh an si. A herhning in zoh an si. A herh caangka in meeting kawh khawh le tuah-tuan colh khawh a si. T. A/D. A loin phaisa hi Pathian riantuannak ah hman khawh a si. Saya/mah pawl um awl khawh a si lo. A um awl tuk ahcun a rian in i dinh a awl te. Khrihfabu chaw le va vialte Local Church ah Pathian riantuannak ah hman dih a si. Saya/mah a tisa tuk i a rian tuan loin a um ahcun Khrihfa upa le members pawl nih a herh ningin a kong ceih i nun chimh khawh a si.
Gospel Bulletin
June, 2016
zongah Pastor, saya/mah duh deuh le duh deuh lo tiin thencheunak a um kho. Khrihfa upa le mipi a tam deuh cu thlaraumi an si lo tikah an lakah buainak a um kho i an cungah biaceih pitu a um lo.
Khrihfa upa lak ah nawl ngei duh deuh an um kho i buainak a chuah tikah remhthat a har. Local Church chungah cawnpiaknak sual a chuah tikah hruaitu dang an um lo i remhthat a har. Saya/mah tling lo le fel lo, thlarau lei le taksa lei zongah zumawktlaak an um lo ahcun zumhnak leiah Khrihfabu an thang kho lo.
Khrihfabu cu Pathian ta a si. A nungmi buu a si caah Khrihfabu cu zeibantuk kalning le cawlcanghning in kal zongah a biapimi cu hruaitu le mipi hi Thiang Thlarau in kan khah hmasa ding hi a si. Zeibantuk bylaw thatha le kalning thatha kan ngeih ko zongah kanmah pumpak cio hi a biapi tukmi a si. Khrihfabu kan kalning kan thlen zongah nangmah le keimah kan thinlung put a that lo ahcun Khrihfabu cu a thang hlei lai lo. Nangmah le keimah nih kan thinlung put kan thumh a si ahcun zeibantuk kalning i kan kal zonga Khrihfabu cu a thang lai i kan i nuam lai tiah zumhnak ka ngei. ………………..
A Thatlonak: Mah le thithruaimi Khrihfabu a si tikah Pastor le member pawl an i rem lo tikah harnak tampi a um kho. Cun saya/mah pawl le members an buai tikah remhtu an um ti lo.
Pastor, saya/mah thinlung thalo a ngeih tikah Local Church ah i thencheunak a um kho. Cun member lak 17
Fig. 2. Atulio GBHA kan i huraining 18
Gospel Bulletin
June, 2016
Gospel Bulletin
June, 2016
Chankhat hnu chankhat Bible tuanbia kan zoh tikah Irael
BIBLE HARMI HALNAK LE LEHNAK Israel miphun Egypt ram ah kum 400 chung sal i an taan
hi Abraham hngilh ruangah a si maw? Kan ram ah minung tampi nih pulpit cungin an chim tawnmi cu, “Abraham a ngut ruangah Israel miphun Egypt ram ah kum 400 chung sal an taang” ti hi a si. Sihmanhsehlaw Bible hi ningcang tein kan kherhlai tikah Israel miphun Egypt ram i kum 400 chung sal i an taan hi Abraham ngut ruangah si dawh a si lo. Aruang pawl cu: Mi tampi nih Genesis 15: 12 chung i, “Ni a tlaak cuahmah tikah Abram cu thu hluahmah in aa hngilh, cun zoh hmanh, tuk a summi muihnak nganpi nih a tlun hnawh,” timi bia le, cun a tefa hna mi ramdang ah kum 400 khual an si lainak kong a von chimmi kha pehtonh in Pathian dantatnak a si ko rua tiah kan ruahdamh tawn. Sihmanhsehlaw, holh hrampi (Hebrew) le Mirang Bible cheukhat kan zoh tikah, “thu hluahmah in aa hngilh” timi biafang khi Genesis 2: 21 i, “BAWIPA Pathian nih Adam kha thu hluahmah in a hngilhter,” timi bia he aa khatmi a si. Cun 1Samuel 26: 12, Job 33: 15 le Isaiah 29: 10 tepawl kan rel tik zongah thu hluahmah in hngilh (a deep sleep) timi hi Pathian nih minung cungah a tlun termi an si deuh. Cucaah biafang hmanning kan zoh tikah Abraham hi a daithlaan ruangah aa hnigilhmi si loin Pathian nih a cungah thu hluahmah in hniglhnak a tlun termi (a deep sleep fell upon Abram) tu a si deuh, ‘tuk a summi muihnak nganpi’ zong a tlunter bantuk in (cf. Exod 10:21, 22; 14:20; 15:16; 23:27; Josh 2:9). Asiahcun sual a phaw kun lai maw? 19
miphun Egypt sal an rak taannak kong hi chim than a si lengmeng nain Abraham sual ruangah a si tiah a chim bal lo (cf. Exo 12: 40; Lam 7: 6-7; Kal 3: 17; etc…). Israel miphun Babylon sal an taan lio ahkhan cun Pathian nih profet hna hmangin sal an taannak a ruang (an sualnak) kha a hgalhter thaan hna i an miphun hruaitu zong nih sualphuan thlacamnak an rak ngei tawn (cf. Daniel 9; Ezra 9; Neh 1; etc…). Sihmanhsehlaw Egypt saltaannak kong he aa pehtlai in sualphawtnak siseh, sualphuan thlacamnak siseh Bible ah kan hmu lo. Zeitin dah kan hrilhfiah kun lai? Hi kongah hrilhfiahning a tlawmbik phunhnih a um: (1) Pathian nih Abraham cu thu hluahmah in a hngilhter i cu aa hngilhnak chung ahcun vision in hmailei thil kong a chimh chungmi a si – Adam kha thu hluahmah in a hngilhter i cu aa hngilhnak chung ahcun a hnakruh a lakpiak le Nu a serpiak kha a hngalh tikah a ton le cangka “ka ruh in lakmi ruh, ka sa in lakmi sa” tiah a chim khawh bantuk in – tiah an ti. Biakamhlun kan zoh tikah mang in vision hmuh hi Pathian nih minung sin i aa phuannak phunkhat cu a rak si ve ko (cf. Gen 20: 3, 6; 31: 11-13, 24; 40-41; Joel 2: 28). (2) Pathian nih Abraham tefa hna cungah a tlung te dingmi kha hmanthlaak in a langhter hnu ah bia in a hrilhfiahmi a si an ti. Tahchunhnak ah – biakamnak sa nih Israel, langta nih an ral pawl, Abraham hngilhnak nih a thih hnu ah a can te lainak le tuk a summi muihnak nih an ral pawl cung i a tlung dingmi thil an hmuhsak an ti. Aruang cu Genesis 15: 12 chung i “tuk a summi tihnak” (fear/darkness) timi biafang thengte hi Exodus10:21, 22; 14:20; 15:16; 23:27 le Joshua 2:9 zongah Pathian nih an ral hna cungah a tlunter taktak. 20
Gospel Bulletin
June, 2016
Gospel Bulletin
June, 2016
Asiahcun zeiruang ahdah Egypt ram ah kum 400 chung
khual va si cu a herh kun? Bible lila kan zoh tikah (1) Pathian nih a kamhmi ram i a rak um ciami miphun hna sualnak kha dantat dingah a hmin rih lo caah cu ram cu pek colh dingah ready a si rih lo (Gen 15: 16); (2) Egypt ram hi harnak an innak hmun lawng si loin miphun nganpi ah an i can lainak hmun le hranchaw tampi a co lainak hmun zong a si ve (v. 14). Nihin zumtu tampi zong nih harsatnak paohpaoh hi Pathian sualphawtnak le dantatnak hmelchunhnak ah kan ruah tawn. Sihmanhsehlaw a fale caah thiltha a hngaltu kan Pathian nihcun fahnak mei alh lakah suithiang nun a kan cawnpiak tawn i harsatnak lakah thluachuah lianngan a kan relter tawn. A salpa Job zong kha zeiruangah dah zatlaknak mei alh chungah a thlaak? Suithiang nun a ngeih nakhnga (Job 23: 10), hna lawng si loin mit in Pathian hngalfiangtu a si nakhnga (42: 5) le thluachuah lethnih a co nakhnga ca tu ah a rak si (42: 10). Cucaah kan Pathian hi a khuakhannak ah saping aa palh khomi a si lo caah kan hngalhfian khawh dih lo zongah lungsi hnangam tein Amah ah i thum ngam ko hna usih! (Acunglei bialehnak hi Gospel Baptist Hakha Association nih kan pomning a si tinak a si lo, catialtu hmuhfian ning le zumhning tu a si - Editor) Mifim bia… Zumhnak ngan ngeih si loin a nganmi Pathian zumh/bochan tu hi kan herh deuh. Not a great faith we need, but faith in a great God.
J. Hudson Taylor
GBHA MINISTERS PAWL PHONE NUMBERS Association Office – 07022065
Evan. Chia Mawng - 0933346600 Evan. John Van Bawi Uk – 0925791398 Evan. Philemon Tha Hlei Ceu – 09799930853 Evan. Tluang Awi Thang – 0933346180
GBBC&S Office - 09265353309
Pastor Cung Hre Thang – 09402564358 Pastor Cung Hu – 09400302831 Pastor Jacob Lian – 0477040815/03-87826957 Pastor Kyaw San – 0933435311 Pastor Sang Awi – 09442000464 Pastor Sang Hup Ceu -09400301079/ 0933395363 Pastor Thang Cung – 0933435399 Pastor Tluang Uk Thang – 09442001434 Pro-pastor Biak Ceu Thang - 09263046050 Pro-pastor Ceu Hmun – 09261250327 Pro-pastor Siang Bik Lian – 09400409323 Pro-pastor Tuan Nei Ling – 09259796230 Rev. Amos Ni To – 09265408741/09400302954 Rev. Joshua Ci Thang – 092450299 Rev. Thian Uk – 0933346190 Rev. Titus Hmun Lian Thang– 0944200149 Rev. Van Uk Peng – 0933384023 Saya Denis Ceu Lian Ham - 9258148323 Saya Hniang Cung – 0933346117 Saya Lian Hram Nawl – 09257834447 Saya Nathan Kui Thang – 9258861919 Saya Ngun Nawl – 9456587149
Saya. Ceu Hnin – 09788409518
21
22
Gospel Bulletin
June, 2016
Sayamah Bawi Fam Zi – 09259077836 Sayamah Dawt Tin Sung – 09257131940 Sayamah Hoi Len Sung 09265179794 Sayamah Lung Hnem Zing – 09261784695 Sayamah Meku – 0973012831 Sayamah Ngun Cer Chin – 09257465015 Sayamah Ngun Hnem Tial – 092579250003 Sayamah Ni Thluai Cin – 0933346213 Sayamah Phebe Tuan Iang -09260565460 Sayamah Ruth Sui Em Mawi – 09256512030 Sayamah Tha Par -0933384825 Sayamah Van Bor Sung -0925912670
Gospel Bulletin
2015-16 CACAWNKUM GBHA CHUNGIN TANGHRA AWNGMI CAZIN No.
Min
Pa Min
Church
Distinction
1.
Meriam
Pu Ceu Vung
-
2.
Ram Uk Bawi
3.
Esther Van Sui Par
Pu Mg Mg Myat Saya Thawng Hlei Cung
GBC Pyidawtha GBC New Hakha GBC New Hakha
4.
Par Tha Cuai
5.
Sui Tha Par
6.
Biak Tin Thang
7.
Cung Hup
Pi Ting Han Oo Pu Hrang Tawn Thang Saya Htun Htun Lian Pu Than Pian
8.
Cer Khen
Pu Ca Kung
General Knowledge Quiz (10 marks) 1. Gospel Baptist Church cu ______ khua ah _______, ____ in dir hram thawk a rak si. (khua, nithla le kum) 2. _____ kum ah Gospel Baptist Hakha Association cu Falam Association in chuak in amah tein dir hram a rak i thawk i hmasa bik G.S tuantu cu ____________ a si. (kum le min) 3. Hakha pengthen ah dirh hmasa bikmi Gospel Khrihfabu cu _________ a si i a changtu cu ________ a si. (Local Church min) 4. Gospel Baptist Bible College & Seminary, Hakha, cu _____ kum in dirh a si. (kum) 5. Nihin ah GBHA tangah Local Church ____ le ministers (full time/part time) ____ kan um. (number) A cunglei biahalnak a phi pawl pakhat hmanh palh lo tein Editor (09263046050) sinah a rak kua kho hmasa biktu cu laksawng ah September tla chuak Gospel Bulletin a lak in pek na si lai. G.S le headquarter staff pawl bel cu phitter kan in siang hna lo.
23
June, 2016
GBC Old Hakha GBC Thantlang GBC Zokhua GBC Hmandaw GBC Hmandaw
English, Biology, Physics -
Capo… Voikhat cu kumli a simi ngakchia pa Robert nih an inn ah kum saupi an rak chiah cangmi Bible nganpi kha a von kau. Cutikah hlanpi in an rak tenh cangmi thinghnah ro pakhat te khi catlap kar cun ruah lo pi in a rung tla. Robert: “Kanu, kanu, ka thil hmuhmi hi zoh hmanh!” Anu: “Zeidah na hmuh, ka fa?” Robert: “Ka hmuhmi hi Adam bawngbi chungnawh (theipi hnah) kha a si ko rua ee.” 24
Gospel Bulletin
June, 2016
Gospel Bulletin
THAWNGPANG BULTAN LE THLACAM CAHNAK Kawhhran kip nih thla nan cam piak zungzalmi Gospel
Baptist Bible College & Seminary cu June 13th in awn a si than cang. Siangakchia cu B.Th kumkhatnak (7), kumhnihnak (6), kumthumnak (3), le kumlinak (4); an dihlak fonh ah (20) an si. Cun cawnpiaktu saya/mah (7) an si. Tukum chungah tluangte in Pathian bia kan cawn khawh nakding le building thar saknak ah leiba ting 50 hrawng kan ngeih rihmi kan cham tuan khawh nakhnga thla cam hna usih! G.B.C Hantawadi kan Saya Lian Hram Nawl cu lengdawh Lydia Lal Cer Lian Thawng he February 15, 2016 ah Yangon ah Pathian hmai le minung hmai i kutsih thlacamnak in chungkhar thar an dirh cang. Atu hi Pathian rosung hmu dingin an thlano cuahmah lio a si ti thawng kan theih. Bawipa nih tefa rosung duhnung damte in hmuhter hna hraam seh! Association kan sayamah Ester Sang Thlia zong Than Tlang kan youth Pastor Dennis Ceu Lian Ham he March 11, 2016 ah GBC Hairawn ah Pathian hmai le minung hmai i kutsih thlacamnak in chungkhar thar an dirh cang. Bawipa nih thluachuahnak he lam hruai hna hraam seh! Cun Association kan sayamah Abigail Cung Rem Mawi zong val dawh Lal Nei Suum he April 28, 2016 ah GBC Pyidawtha ah Pathian hmai le minung hmai i kutsih thlacamnak in chungkhar thar a dirh ve cang. Bawipa nih thluachuah pe hna hram seh! Sayamah Ruth Sui Em Mawi le Abigail Cung Rem Mawi hna i an pa Pu Sa Tiam cu April 25, 2016 ah hi vawlei
June, 2016
harnak kaltaak in a khamhtu Jesuh sinah a kan kaltaak chung cang. Tantaami chungkhar dihlak Bawipa nih in hnem hna hraam seh. Convention G.S. a simi le G.B.C Pyidawtha i Senior Pastor a simi Rev. Joshua Ci Thang cu May thla thawk hrawngin a dam lo i atu zong Hakha sizung ah aa cawng rih ko. Fakpi in thla cam piak hna usih! Nikum Hakha leimin ruangah hmunhma thial a haumi G.B.C Old Hakha cu Hmunthar ah Quarter an sak khawh cang i pumhnak zong an ngei kho cang. Bawipa nih thawng chin lengmang in hruai hna hraam seh! Association Bupi program in September 21 in 24 tiang Pyidawtha G.B.C ah Khrihfa upa training & conference tuah ding a si. Cawnpiaktu cu Rev. Amos Ni To (Khrihfa Upa le a Rian) le Rev. Joshua Ci Thang (Inter-dependent Local Church System) an si lai. Local Church kip i Khrihfa upa dihlak kai khawh rak i zuam cio hna usih. Association Nubu nih tukum chungah crusade hmunhra ah tuah dingin timhtuahnak a ngeihmi cu hmunkhat ah tuah a si cang i a tang rihmi hmunkua caah pehzulh in thla cam hna usih! Association Mino program in tukum chungah crusade program hmunruk ah kan ngeihmi chungin Hniar Lawn le Dai Din ah tuah a si cang. Hriang Khan, Ceng Tum, Dau Chim le Zo Khua ah tuah rih dingmi program caah pehzulh in thla cam hna usih! Association E&M Evangelist pathum, Nubu Evangelist pakhat le field Evangelist pakhat hna cu Bawipa loram ah manh lo ngai in Thawngtha an phuan lio ahhin Khrihfabu nih thlacamnak in dirkamh zungzal hna usih! Cun Association minister in i din hna hmanhsehlaw a rianthiang ah aa din lomi Sayamah Mah Chit, Sayamah 26
25
Gospel Bulletin
June, 2016
Gospel Bulletin
June, 2016
Esther Sang Thlia le Sayamah Abigail Cung Rem Mawi hna zong thla cam piak philh hna hlah usih! Association ah 1/10 le department kip tiamkam kan ngeihmi pawl zong tuante ah kan pek khawh cio nakhnga thlacam le mah le Local Church cioah i forhfial philh hna hlah usih! Association nih caan saupi khua a khaan cangmi Motor cawkding cu tukum chungah a tlam a tlin khawh nakhnga pehzulh in thla cam rih hna usih! July thla chungah G.B.H.A kumcheu Audit, Department kip Board le E.C meeting tuah dingmi cu Pathian nih tluangte in a kan hruai nakhnga thla cam hna usih! A nithla cu a tanglei bantuk in an si lai: July 4-5, 2016……Kumcheu Audit ni July 11, 2016…….E&M meeting July 12, 2016…….Bible Sianginn Board meeting July 13, 2016…….Nu le Mino E.C meeting July 14, 2016…….Bupi E.C meeting
Fig. 3. Gospel Baptist Bible College & Seminary
27
28
