|| śrīgodāvarī stotrāṇi - śrībrahma purāṇam ||

Goddess Godavari Stotras – Brahma Puranam The following is a set of short hymns on Goddess Godavari (River) taken from various chatpers of Gautami Mahatmya in Brahma Puranam (Chapters 75-175). kaṇva uvāca namo'stu gaṅge paramārti-hāriṇī namaḥ kṣudhe sarva-janārti-kāriṇī | namo maheśānjaṭodbhave śubhe mahāmṛtyu-mukhād-viniḥsṛte || 85-08 || kaṇva uvāca sarva-maṅgala-māṅgalye brahmī māheśvarī śubhe | vaiṣṇavī tryambake devī godāvarī namo'stu te || 85-12 | tryambakasya jaṭodbhūte gautamasyā 'gha-nāśinī | saptadhā sāgaraṁ yānti godāvarī namo'stu te || 85-13 || sarva-pāpa-kṛtāṁ pāpe dharma-nāśinī | duḥkha-lobha-mayi devī kṣudhe tubhyaṁ namo namaḥ || 85-14 || oṣadhya ūcuḥ kiṁ vā 'kariṣyan bhavavartino janā nānā'gha-saṅghābhibhavācca duḥkhitāḥ | na cā ''gamiṣyad bhavatī bhuvaṁ cet puṇyodake gautamī śambhukānte ||119-09 || ko vetti bhāgyaṁ nara-deha-bhājāṁ mahīgatānāṁ saritāṁ-adhīśe | eṣāṁ mahāpātaka-saṅgh-hantrī tvaṁ amba gaṅge sulabhā sadaiva || 119-10 || na te vibhūtiṁ nanu vetti ko'pi trailokya-vandye jagadamba gaṅge | gaurī samāliṅgita vigraho'pi dhatte smarāriḥ śirasā'pi yat tvām || 119-11 || namo'stu te mātar abhīṣṭa-dāyinī namo'stu te brahmamaye 'ghanāśinī | namo'stu te viṣṇu-padābja-niḥsṛte namo'stu te śambhu-jaṭā-viniḥsṛte || 119-12 || śrīrāma uvāca asyāḥ prabhāvāddharayo yā'sau mama pitā prabhuḥ | sarva-pāpa-vinirmuktas tato yātas triviṣṭapam || 157-09 || iyaṁ janitrī sakalasya jantor bhukti-pradā muktiṁ athā'pi dadyāt | pāpāni hanyādapi dāruṇāni kā 'nyā 'nayā 'styatra nadī samānā || 157-10 || hatāni śaśvad duritāni caiva asyāḥ prabhāvādarayaḥ sakhāyaḥ | vibhīṣaṇo maitramupaiti nityaṁ sītā ca labdhā hanumāṁśca bandhuḥ || 157-11 || laṅkā ca bhagnā sagaṇaṁ hi rakṣo hataṁ hi yasyāḥ parisevanena | yāṁ gautamo devavaraṁ prapūjya śivaṁ śaraṇyaṁ sajaṭāmavāpa || 157-12 || seyaṁ janitrī sakalepsitānāṁ amaṅgalānāṁ api sannihantrī | jagat-pavitrīkaraṇaikadakṣā dṛṣṭā'dya sākṣāt saritāṁ savitrī || 157-13 || kāyena vācā manasā sadaināṁ vrajāmi gaṅgāṁ śaraṇaṁ śaraṇyām || 157-14 || || iti brāhme mahāpurāṇe gautamī-māhātmye śrīgodāvarī stotrāṇi sampūrṇam ||

K. Muralidharan ([email protected])

1