1. jarduera Ikerketa estatistikoaren elementuak Edozein ikerketa estatistiko egiten hasi aurretik, oso garrantzitsua da haren elementu nabarmenenak identifikatzea eta antzekotasunak eta, desberdintasunak kontuan hartuz, bakoitza dagokion multzoan sailkatzea. Horrek guztiak ondoren egin beharreko lana gidatuko du eta, horren arabera, hainbat erabaki hartu beharko dira. 1. Aztertu ikerketa estatistikoak eta erantzun galderei: a) Zein da biztanleria?……………………………………………………………………… b) Zein da lagina?………………………………………………………………………… c) Zer laginketa mota baliatuko dute ikerketako lagina aukeratzeko? ausazkoa
ez-ausazkoa
d) Zer tresna baliatuko dute datu-bilketarako? Nola eskuratuko dituzte datuak? galdetegia
behaketa
elkarrizketa
e) Zein dira ikerketan aztertuko diren ezaugarriak (aipatzen direnak soilik)? Aldagai motaren arabera, sailka itzazu ezaugarri horiek honako taulan: KUANTITATIBOA
KUALITATIBOA DISKRETUA
JARRAITUA
A) 500 biztanleko herri batean, gizarte zerbitzuen beharra zein den aztertu nahi da, eta, horretarako, hainbat galderaz osatutako txosten bat bidaliko zaie ausaz aukeratutako 250 pertsonari posta elektronikoz. Pertsona horiek euren adinari, sexuari, egoera zibila, dirusarrerari eta zerbitzuen kalitateari buruzko asebetetze-maila (1etik 5era balioetsita; 1 oso desegokia eta 5 oso egokia izanik) eman beharko dute. B) Urizarko kiroldegian berrikuntza-lanak egin nahi dituzte, eta kiroletako zinegotziak heritarrek gehien atsegin dituzten kirolak eta jolasak zein diren jakin nahi du. Horretarako, herriko webgunean honako galdera hauei erantzuteko aukera zabaldu dute, eta lehenengo 125 erantzunak baliatuko dituzte ikerketarako datuak eskuratzeko.
Webguneko galderak 1. Sexua: Emakumea
Gizonezkoa
2. Adina: 10 urte baino gutxiago 10-19 urte 20-29 urte 30-39 urte 40-49 urte
50-59 urte 60-69 urte 70-79 urte 79 urte baino gehiago
3. Egoera laborala: Ikaslea Langabezian Lanean Erretiratua 4. Gustuko kirolak (zehaztu 3): • …………………………………………………… • …………………………………………………… • ……………………………………………………
C) Harriazpi ikastetxean DBH 1. mailako bi ikasgeletako gazteek aisialdian zer egiten duten jakin nahi dute. Horretarako, ikasgela bakoitzean zozketa bidez aukeratutako bost ikasletik biri aisialdian egiten dituzten hiru ekintza nagusiren gaineko informazioaz galdetuko zaie. Ondoren, datu horiek sexuaren arabera antolatuko dituzte. D) Ondorengo fitxa teknikoa, Ekobarometro soziala deituriko ikerketari dagokio. Ikerketa horren bitartez, EAEko 15 urtetik gorako biztanleen ingurugiroaren inguruko iritzia jasotzen da. Ikerketa oso sakona da, baina aztertzen diren ezaugarrien artean honako hauek nabarmendu ditzakegu: bizitokia (hiria (15.000 biztanletik gora), herri ertaina (5.000-15.000 biztanle), herri txikia (5.000 biztanle baino gutxiago); lanbidea; etxean zenbat kide bizi diren; norbere birziklatze-maila (1etik 5era; 1 oso eskasa eta 5 erabatekoa). 2011ko EKOBAROMETRO SOZIALAREN FITXA TEKNIKOA UNIBERTSOA
15 urteko edo hortik gorako herritarrak, EAEn bizi direnak. 201eko udal erroldaren arabera, biztanleen kopurua 2.178.339 da.
TEKNIKA
Hurbilpen pertsonaleko elkarrizketa, etxez etxe eginda, CAPIz (Computer Assisted Personal Interviewing) gauzatutako galdetegi egitura batean oinarrituta.
LAGINAREN TAMAINA
EAEn bizi diren 2.004 pertsona, gutxienez 15 urtekoak.
LANDA AZTERKETAREN SASOIA
2010eko azaroa eta abendua.
LAGINKETA MOTA
Etapa anitzeko laginketa, proportzioak zentsu-sekzio motaren arabera ezarriz, EAEko udalerrien pisu demografikoa kontuan hartuta, adinaren eta sexuaren arabera estratifikatuta. Ausazko167 ibilbide egin dira bakoitza 12 inkestakoa.
ERRORE MARJINA ESTATISTIKOA
Errore-marjina globala %± 2,23 da % 95,5eko konfidantza-tartearentzat.
Iturria. Ekobarometro soziala, 2011
E) Eskola-material baten egokitasuna aztertzeko asmoz, Euskal Herriko Unibertsitateko aditu-talde batek ikerketa egingo du datorren udaberrian Hego Euskal Herriko 20 ikastetxetako Lehen Hezkuntzako 5. eta 6. mailako ikasleen artean. Datuak jasotzeko asmoz, astean behin, irakasle-eskolako azken mailako ikasle talde bat ikastetxe bakoitzean zoriz aukeratutako gela batean sartuko da eta han ikusitako lan-ohitura eta jarreren gaineko informazioa jasoko dute aurrez prestatutako gidoi batean oinarrituta. Gidoi horretan arloa, sexua, lanerako autonomia-maila (oso eskasa, eskasa, erdi parekoa, ona eta oso ona) eta errendimendua %-tan (0-25; 25–50; 50–75 eta 75-100) ageri dira. F) Betiero Irratiak eskaintzen dituen irratsaioen kalitateari buruzko datuak jaso nahi ditu entzuleen artean. Horretarako, arratsaldeko 6etan ematen duten Eta zuk zer? irratsaioan galdera hauek luzatu dituzte entzuleen artean: 1. Oro har, noiz entzuten duzu Betiero Irratia? (goizean, eguerdian, arratsaldean, gauean). 2. Zein irratsaio-mota duzu gustukuen? (kirolak, albisteak, kultura, agenda, elkarrizketak, beste) 3. 1-etik 10-era, zein da gure irratiari buruzko balorazioa (1 oso eskasa, 10 bikaina)
Erantzuteko aukera entzuleen artean zabalduko dute irratsaioak irauten duen bitartean.