|| mokṣaviṁśaka stotraṁ - śrīharivaṁśa purāṇam || Mokshavimshaka Stotram – Harivamsha Puranam The following is a rare hymn on Lord Ananta (Vishnu) by King Bali as told by Sage Narada taken from Harivamsha Puranam (Last Canto of Mahabharata), Bhavishya Parva and Chapter 72. This hymn was given by Sage Narada to King Bali when he was sent to netherworld by Lord Vamana to get emancipation from bondage. The brief Phalashruti by Sage Vaishampayana declares that one who recites this hymn gets absolved of all sins including the killing of cows and brahmins and begets all wishes fulfilled such as progeny, spouse, emancipation, relief from labor pain during child birth, etc.
śrīnārada uvāca om namo'stvanantapataye akṣayāya mahātmane | jaleśayāya devāya padmanābhāya viṣṇave || 1 || sapta-sūrya-vapuḥ kṛtvā trīṁllokān krāntavānasi | bhagavan kālakālas tvaṁ tena satyena mokṣaya || 2 || naṣṭa-candrārka gagane kṣīṇa yajña tapaḥ kriye | punaścintayase lokāṁs tena satyena mokṣaya || 3 || brahma-rudrendra vāyvagni sarid bhujaga parvatāḥ | tvatsthā dṛṣṭā dvijendreṇa tena satyena mokṣaya || 4 || mārkaṇḍena purā kalpe praviśya jaṭharaṁ tava | carācara-gataṁ dṛṣṭaṁ tena satyena mokṣaya || 5 || eko vidyā sahāyas tvaṁ yogī yogamupāgataḥ | punastrailokyaṁ-utsṛjya tena satyena mokṣaya || 6 || jalaśayyāmupāsīno yoganidrāmupāgataḥ | lokāṁścintayase bhūyas tena satyena mokṣaya || 7 || vārāhaṁ rūpamāsthāya veda yajña puraskṛtam | dharā jaloddhṛtā yena tena satyena mokṣaya || 8 || uddhṛtya daṁṣṭryā yajñāṁs trīn piṇḍān kṛtavānasi | tvaṁ pitṝṇāmapi hare tena satyena mokṣaya || 9 || pradudruvuḥ surāḥ sarve hiraṇyākṣa bhayārditāḥ | paritrātās tvayā deva tena satyena mokṣaya || 10 ||
K. Muralidharan (
[email protected])
1
Mokshavimshaka Stotram – Harivamsha Puranam
dīrgha-vaktreṇa rūpeṇa hiraṇyākṣasya saṁyuge | śiro jahāra cakreṇa tena satyena mokṣaya || 11 || bhagna mūrdhāsthi mastiṣko hiraṇyakaśipuḥ purā | huṁkāreṇa hato daityas tena satyena mokṣaya || 12 || dānavābhyāṁ hṛtā vedā brahmaṇaḥ paśyataḥ purā | paritrātās tvayā deva tena satyena mokṣaya || 13 || kṛtvā hayaśiro rūpaṁ hatvā tu madhu-kaiṭabhau | brahmaṇe te'rpitā vedās tena satyena mokṣaya || 14 || deva dānava gandharvā yakṣa siddha mahoragāḥ | antaṁ tava na paśyanti tena satyena mokṣaya || 15 || apāntaratamā nāma jāto devasya vai sutaḥ | kṛtāśca tena vedārthās tena satyena mokṣaya || 16 || veda yajñā 'gnihotrāṇi pitṛ-yajña havīṁṣi ca | rahasyaṁ tava devasya tena satyena mokṣaya || 17 || ṛṣir dīrghatamā nāma jātyandho guru-śāpataḥ | tvat-prasādācca cakṣuṣmāṁs tena satyena mokṣaya || 18 || grāhagrastaṁ gajendraṁ ca dīnaṁ mṛtyu-vaśaṁ gatam | bhaktaṁ mokṣitavāṁs tvaṁ hi tena satyena mokṣaya || 19 || akṣayas cā'vyayaśca tvaṁ brahmaṇyo bhaktavatsalaḥ | ucchritānāṁ niyantāsi tena satyena mokṣaya || 20 || śaṅkhaṁ cakraṁ gadāṁ padmaṁ śārṅgaṁ garuḍaṁ eva ca | prasādayāmi śirasā te bandhān mokṣayantu mām || 21 || śaṅkhaṁ cakraṁ gadā padmaṁ śārṅgaṁ ca garuḍadayaḥ | hariṁ prasādayāmāsur baliṁ mokṣaya bandhanāt || 22 || || phalaśrutiḥ || śrīvaiśampāyana uvāca imaṁ stavaṁ anantasya sarva-pāpa-pramocanam | yaḥ paṭheta naro bhaktyā tasya naśyati kilbiṣam || 23 || K. Muralidharan (
[email protected])
2
Mokshavimshaka Stotram – Harivamsha Puranam
go-hatyāyāḥ-pramucyeta brahmaghno-brahma-hatyayā | aputro-labhate-putraṁ kanyā-caivepsitaṁ-patim || 24 || sadyo-garbhāt-pramucyeta garbhiṇī-janayet-sutam | ye ca mokṣaiṣiṇo loke yoginaḥ sāṅkhyakāpilāḥ || 25 || stavenānena gacchanti śvetadvīpaṁ akalmaṣāḥ | sarva-kāma-prado hyeṣa stavo 'nantasya kīrtyate || 26 || yaḥ-paṭhet-prātarutthāya śuciḥ prayata-mānasaḥ | sarvān-kāmān-avapnoti mānavo nātra-saṁśayaḥ || 27 || || iti śrīmahābhārate-khilabhāge-harivaṁśe bhaviṣya-parvaṇi vāmana-prādurbhāve śrīnārada-proktaṁ mokṣaviṁśaka stotraṁ sampūrṇam ||
K. Muralidharan (
[email protected])
3