Shavei news Khaye Sarah.pdf

Viewer
Transcript

‫בס”ד‬ SHABBATH SIMMUN : KHAYE SARAH - GENESIS 23:1-25:18 HAFTARAH: KINGS I 1:1-31

SHAVEI ISRAEL Weekly Newsletter for Bnei Menashe Volume IX No. 08. Nov 7, 2015 - 25th Khesvan - 5776

www.shaveinews.blogspot.co.il

Parashat Khaye Sarah Ibol’a Abraham suohpa chun Pathien apatep ham?

Abraham, Issac le Yacov, Sarah, Rivka le Leah kivuina - Machpela - Hebron

T

uchung parasha sung’ah Ipiu Sarah athi jou chun, Abraham in asuohpa asolin, Issac ji ding agaholsah in ahi. Mikhat chu kidong henlang, koi ham Abraham suoh pa chu? kitileh “Eliezer” atiding ahi. Hinlah tuchung parasha sung’a hi “Abraham suohpa” akitin ahi. Abraham suohpa chu Canaan mite ahijeh in, Abraham in asuohpa chanu chu achapa toh kichensah ding anuompa. Hijeh chun asuohpa chu apotdoh on Rivka holin achien, ainn kote akimupin, Issac ji ding’in ahin puiyin, thusim akichaitai. Tuchung parasha sung’a hin, Rivka hol’a kingase pa hi “Abraham suohpa” akitin munkhat’ah “mi pa” tin jong akiseiye. Hinlah

Rabbi atamjon hiche pa hi amin Eliezer, Gen. 15 sung’a kisei pa chu ahi atiuve. Akhuti leh Eliezer kitipa toh tuchung’a Abraham suohpa kiti hi thakhat ahidem? Ajeh chu Eliezer kitipa hi mipha, mikitah chuleh Abraham a ding’a pangdet mi ahi. Tuchung’a “Abraham suohpa” kiti hi Abraham joulhepna ding lunggel nei mi ahi. Tuchung parasha sung’a Abraham suohpa tia kisei chu hiti ahi “ABraham in a inn sung’a asuohpa, imajouse vetup a pangpa komah aseiyin...” (Gen. 24:5) Chuleh Asuohpa amin kiphahpuohna chu ahileh Gen 15:2 “O Pakai Pathien, ipi neipieh

thei ding ham? keima chaneilou kaumin, ka inn sung vetup a pang Damascus mi, Eliezer kitipa jong aume, cha neipieh lou ding’a ahileh ka suohpa hin gou aluo ding ahitai!” Tuchung parasha a Abraham suohpa tia kisei pa hi Eliezer ahiding’a ahileh, ibol’a amin kiphapuoh louva, Abraham suohpa tia kisei ham? Adonbutna anuoiya nasim tieng nangma chung’ah akingame: Rashi seidungjuiyin, Eliezer hin chanu khat aneiyin, amapa chun Abraham komah achanu leh Issac kichensah ding’in ajoljin ahi. Hijeh chu Issac jinei ding chungchang akititieng, Eliezer hin Abraham tohguon jouse aboina ding jeng aholji ahi, chutileh achanu leh Issac akichen theina ding’a.Abraham toh asuohpa akihoulhonna chu veleu hen “Anumei nu chun kanung hin jui nuom tahih lela?” (gen 24:5) Ada achamlouva Abraham suohpa apotdoh jouvin, Aram Naharaim agalhung tan hiche a jong chu Eliezer in Issac ji ding amulou natei ding agu-

MOHARAN 4:6 Kingship From Fire! By R. Yehudah Gin. Malkhut (lenggam) hi mei’a kuona hungsoh doh ahi atiuve, chukit tiengleh Torah (P-then thu) hi mei ahi ati kit’uve (Jeremiah 23:29 Is not My word like as ﬁre? saith the L-RD;) chukit tengleh Proverbs 8:15 na achun hitin asei kit’e ‘By me kings reign’ Torah ahung kiti tiengleh a Torah chu meaningful ahung hithei nadinga chu a Torah Scholarte ho chu ahung poimo pen kit mau’in ahi. TORAH WITHOUT SAGES: Satan hin mihem tamtah lunggel asuh chatvai peh’in hiche miteho chun, a Torah michingte ho ngaisang talouvin aTorah bou joh chu agelsangun ajajou’in ahi, a Torah michingte ho a alhagao chitnao, a Torah chihnaopa chu ngaisangjo talou’in a Sefer Torah amaterialpa joh chu ajajoun ahi. A Torah thuhing ho chu asu hingdoh dinga chu Torah scholarho ma ma ahung hi kitjiu’e. Christian khenkhatte hon Torah/Bible bou adeiu’a, a Bible akisun, a mihemte ho-Israelte ho, aBible hilchetna pethei’a aBible chu suhing theiteho (Israelte ho) adeimou’a, anoiseu’a, avetdakit nahlai’u tobang bepseu ihi khah dingu chu thil dei’umlou tahbeh ahi. Gahgel chen kit tadiute, P-then ija jeh’u a chu Torah jong ija’u ahi’n, chuti hijengta jongleh aTorah michingte ijatheilou’a 2

leh dih theijep samponte na? Hitin sei kit leohen’u- sefer Torah chu material (written parchment/leather); Mihem ahileh lhagao+ Material (physical)- Torah ham ahiloleh Israel lu jo? Eiho leh eiho kikholchen kit jep’u te, iRabbiteu/Torah scholarteu ijalona jeh’u hi ipijeh ham? Amaho chu P-then thu ingaisan jeh’u a ijabolu’a ingainat bol uham? Ahilou leh amahoa a kona Political langa ham, aliyah muthei nading a ham, ahilou a leh thildang khat’a ilemlopi thei dingu kinepna inei jeh’u a a amaho chu inalimbol mai mai joh’u ham? Aquestion chu P-then jeh ham ahilou leh eima mimal interest

jehjo ham? Ti ahi, hiche donbutna hi koiman eihotha khela eipeh peh theilou dingu ahi, hichi donbutna chu eiman eima ikipeh ding dolu ahi, hichu hijengta jong leh, eima leh eima chung beh’a thudih tah’a gel a eima leh eima kikidonbut ding ahi, hichea hetkit ding chu, iham tin midang chungin kitah jou tahih jong lechun, nangle nang chung beh’in kitah phot phot lechun thildang a jong adan dan hung um tou thei ding dan ahi, hitin gah sei leohen- First of all be honest/sincere to yourself, and this shall lead you to awareness of your true SELF (not yourself but your self). Be yourself, be as your self and thus behave yourself (in accordance to your self).

Jewish Wedding Dress

Israel a um eimi nungah ho koitobang jinei ding a kiguong a mou form afree a khel nuom na um ule Rachel packer (Ninegcha lhungdim) na contact thei uh ahi e,Tulai private a mou form khel man he 3-5 thousand sekhel lang ahi tai. Rachel packer: Phone nos: 0549703968

www.shavei.org

Parasha Khaye Sarah

Donbutna kipie hohi Rashi Hilchetna akuon ahi Q. Kiryat Arba muna kivui, nupa kop 4 ho chu koi hiuvem? A. Gen. 23:2 - Adam le Eve, Avraham le Sarah, Yitskhak le Rivka, Yaacov le Leah Q. Sarah chu ipi jeh'a thi ham? A. 23:2 - Yitkhak chu thading'in aumtai ti thu ajahjeh ahi. Q. Avraham chu hoilai muna pieng'a ham? A. 24:7 - Ur Kasdim. Q. Elizer chun Yitskhak ji ding'a itobang numei avet em? A. 24:14 - Numei nun nem, thilpha bolmi ahol ahi. Q. Lavan chun ibol'a Eliezer lamtuo ding'a lhaidoh a ham? A. 24:29 - Sum ahinpuoh ho adeichat jeh ahi. Q. Eliezer in Yitzkhak chu koitoh kicheng ding'a deilhen em? A. 24:39 - Ama chanu toh. Q. Keturah chu koi ham? A. 25:1 - Hagar ahi. Q. Avraham chu Yitskhak chu ipi thilpieh apieh em? A. 25:7 - Phatthei buohna thei thaneina apien ahi. Q. Avraham athi a chu kum ijat hitam? A. 25:7 - Kum 175 ahitai. Q. Yaacov chu Eber Yeshiva a kum ijat ana kaiyem? A. 25:17 - Kum 14 jeng Yeshiva anakaiye. Q. Tuchung parasha sung’a Eliezer min ijatvei kiphapuoh em? A. Khatvei chajong akiminphah poi. parasha banjom.... ong in ahi. Adihtah’a chu aman mi dohlele a ahol ding dol ahi. Hinlah Pathien komah ataovin, Pathien apatep in ahi. Ajeh chu Pathien koma taona kimang hi apetpet in alhungji poi tijong ahetsuoh kei ahi. Pathien koma ahimo aumpoi, hijeng jongleh Eliezer in Pathien apatep dan hi ivet a ahileh, Issac ji ding chu kimuda teitei leh tilunggel anei ahi. Amun alhung chun numei tamtah in twi anakhai un, hiche a chun Pathien komah ataovin, www.shavei.org

koi hileh twi eihinso pieh’a chuleh ka sagongsang hojong twi hinpe penpen chu Issac jiding hihen ati. Aseijoujouvin, Rivka ahunglhai pheiyin ama leh asangongsang hojong twi apien ahi. Torah sung aban veleu hen “Mipa chun amanu chu hoitah in aven, thip chet in lungdong tah in hiche hi Pathien in kataona alolhinsah hitantem ati” Amasang tah a Pathien in Thilkidang amusah jouva tah-

san theiloulai ahi. Rivka te insung’a agalut chun, athusim aseiyin, akihou chai jou uchun, “Chuleh tuhin kachung’ah thilpha neibolpieh nuom uva ahileh, neiseipieh un, akhutilouva ahileh kakinung le ding ahitai..” Eliezer in hitobang thu ibol’a adoh ham itileh, ahung doh masang’a, Abraham koma, numei nun eihin juinom tahih leh? tia adoh chun, Abraham in nahinjui nuomlouva ahileh, nangma a ongdoh’ah nahitai, atipieh e. Koi ham, khatvei sehseh kithuma achanu mi ji ding’a hinphal ding’ah? Chuleh koi numei ham, akichenpi dingpa mukha loulaiya nuom, hiche jong chu asuohpan ahungthum chuleh asuohpa nung hiche nimama a ajuipai ding hinalai. Hitobang hohi Eliezer in ahitheilou ding ahetjeh’a chu, Issac le Rivka kichensah louna tei atup ahi. Tuchung parasha sung’a ibol’a Eliezer hi amin kiphapuoh lou ham itileh, ama hi Canaan mite ahin, suoh ahiuve. Suoh khat kiti chun Apupa insung’ah thu neijeng jongleh, Apupa chanu jineina chung’a akisahlunggim na ding imacha umlou ahi. Hinlah Abraham in tahsanthei dang aneilou jeh’a chu anasol maimai ahibouve. Amahi imacha hilou, mi poimo hilou, Abraham a ding’a suoh maimai ahi. Gen 24 sung’a athusim khu isim tieng, abang leh “Abraham suohpa” abang leh “ mipa” akitin ahi. Abraham suohpa tia akiminphah tieng, thilpha lang toh kisai, Abraham a ding’a kitahna lungthim aneipet ahi. “Mipa” tia ahung kisei tieng, ama phatchuomna ding lunggel aneiji ahi.

sanctity of this publication e th t c e p s Please re

3

TAONA NGAICHATNA Brith Millah

Pa Hashem vangboh na jal in 2410 Shabbath Ni nikho theng thou shakharith ki chai in kacha pa ani chan na Henjakai(Elro-e)Ni get (8) ni Broth Millah chu houbung mipi leg Hashem pan pi na jal in a na ki bol chai in,hichi kin a ei na jao peh a deh a houbung mipi jouse chunga hichi Shavei News mangchan kipa thu sei jou lou ka hin sei in,Hashem in jong vang ph at na a jat jan na boh tao hen. Chuleh Mohel a ei na pan peh,Pu yokhanan Singson chuleh sandak a ei na pan peh Pu Tzivi Khaute Shavei Israel Co-Ordinator in jong naosen min ngai tah ei na sem peh na Chung a kipa thu seijou lou a vel in kahin sei kit in ahi.Naosen jong Hashem in dam na pe ta hen,TODA RABA. Keima APA, T.Avichail Kipgen, Boljol, Beith Shalom, B.Vengnom Commtt.

Dana Chung'a Kipa Thuphuon

Achiesa 13 Khesvan nikho'a kaji ngaitah (L) Thangkholien Efraim Gangte in eina dalhahnao chung'ah eingailu a hungkal suong ho jouse chuleh anatlai a hospital a eina kithuopi ho, Israel akuon sum le pai a eina kithopi Yossi Kilong leh aloinu, Yosef Haoki le aloinu chuleh OSI Phailien a Kapa Pinchas Lhanghal le achanu Dvorah, chuleh Beith Shalom K.Patlien Khanglaite leh houbung mipiten shiva sung'a Minkha/Arvit shakharith ho a minyan eina suhlhingpieh uva neh le chah eina siempieh jeh uvin nabon chau chung'ah kakipana kahinphuong'e. A shiva nia jong ngailutna neitah'a hungkalsuong golle paite, Shavei fellow ho, nabonchau chung'a kakipana seijoulou hiche shavei News mangchan kahinphuong'e. Hashem in nanatohna lam jouseuva phatthei nabuoh toujing uhen Keilam L.Sharon Gangte.

PARASHA & HALAKHA

Gershon Chongloi Rabi Mordekhai Eliyahu Zt"l lekhabu a konna hin kile doh ahi. "Kanan gamsung, chulai song-ko lhan sunga chun, Avraham in ajinu Sarah avui tai" (Bung 23:19). DOHNA: Lhan molla Taona man thei ham?- Mearat-haMakhpelah khu lhanmol ahivangin, Taona manna'a akimang jin ahi. Hiche khu Halakha in aphal hinam?DONBUT: Lhanmol a Taona man kiti chu phal ahipoi! Ajeh chu mithi ho kinuisat tabang ahi. Hijeh chun, Lhanmol munna Pathien thu sei kiti jong bollou lou ding ahi. Ahinlah, Pathien thu kisei ho leh, thu kisei ho chu, athipa lhagao a dinga akisei ahileh, seithei ahi. Chuleh, Lhan4

mol mun iphah tieng, Talit-Katan pat jung ho jouse, dosah lou ding ahi. Hiti chu ahileh, iti, Mearat-haMakhpelah munna Taona kimang ji’a ham?Mearat-haMakhpelah munna Taona akimantheina jeh chu, Ipu, Ipiu akivuinau mun chet chu, anuoilang ahin, chuleh, tu’a Inn kisa khu, Ipu-Ipiu teu kivuina lei chung chet’a hung kisa ahipoi. Hijeh chun, Mearat-haMakhpelah munna Taona imantieng, Lhanmol chung chet’a Taona kimang ji ahipoi. Hijeh chun, Mearat haMakhpelah munna Taona man thei ahi.

Keima Koren Singson in ka tahsa damtheina dingin taona kangaichan, hoilai mun hijongleh muntin gamtin a ka Juda chan khompi jousen taona a neihin geldoh diuvin kahin taove. ~ Koren ben K.Daniel , Monglenphai Beith Shalom SHAVEI ISRAEL ORG FOUNDER : MICHAEL FREUND Shavel Israel Office Beit Harel, 3 Am VeOlamo, Street, Suites 1&2 Jerusalem Tel: 02-625-6230/1/2 Fax: 02-625-6233 Web: www.shavei.org Email: [email protected]

EDITORIAL STAFF EDITOR - Yonathan Haokip Email : [email protected] MANIPUR CORRESPONDENT Nehmang Benjamin Haokip - Ph. 9863731857 Aharon Vaiphei - Ph. 8119041018 EMAILS ISRAEL MANIPUR MIZORAM

- [email protected] - [email protected] - [email protected]

SHAVEI ISRAEL CO-ORDINATOR TZVI KHAUTE : - [email protected] * Achung’a kipe email holah’a khatpen pen’a hi article, thusuoh leh adangdang suonuom hon hinthot thei ahi.

SHABBATH MEVARKHIN ROSH KHODESH (Lhathah) KISLEV hi, tu Yom KHAMISHI leh Yom SHISHI (12-13.11.2015) hiding ahi. Yom REVI'I ARVIT taona'a pat'a Yom SHISHI MINKHA taona chan ngeiya YALE VEYAVO sei ding ahi. KHODESH-TOV U'MEVORAKH! Article/News penom auma ahileh Haptaseh’a Tuesday nilhum masang hiding, hiche jouva kimuho chu hapta kitleh kisuoding ahi.

www.shavei.org