‫בס”ד‬ SHABBATH SIMMUN : VAYEITZE - GENESIS 28:10-32:3 HAFTARAH: HOSEA 12:13-14:10

SHAVEI ISRAEL Weekly Newsletter for Bnei Menashe Volume IX No. 10. Nov 21, 2015 - 9th Kislev- 5776

www.shaveinews.blogspot.co.il

Parashat Vayitze

‫ויצא‬

Ibol’a Yacov in Suong alahkhom ham?

‫ ַבּ ָמּקוֹם ַההוּא‬,‫ וַ יָּ ֶשׂם ְמ ַר ֲאשׁ ָֹתיו; וַ יִּ ְשׁכַּ ב‬,‫ וַ יִּ ַקּח ֵמ ַא ְבנֵ י ַה ָמּקוֹם‬,‫בא ַה ֶשּׁ ֶמשׁ‬-‫י‬ ָ ִ‫ כּ‬,‫יִּ ְפגַּ ע ַבּ ָמּקוֹם וַ יָּ לֶ ן ָשׁם‬. “Chuin ama munkhat’ah akinga tai, ajeh chu nisa ahung’e (alhumtai); hichun aman amun’a suongho alakhom in, aluchang nuoiyah akoiyin, hiche mun’a chun alumdentai.” - Gen 28:11

T

uchung Parasha sung’a hin Ipu Yacov in Beersheva adalhah’a Kharan gam ajotlaitah, Bethel mun’a ajaan gie thu isimdoh un ahi. Rabbi hon hilchetna apiehnava chun, ipu Yacov in hiche mun’a chun aman suong ho akhomtup in gamthip lah ahijeh chun, guul-le-tang chuleh gamsahang ho akuon kivenbitna ding’in, akimvel’ah suong ho aguol in ajaangieh in ahi, atiuve. Ajeh chu chuchielai khang’a Bethel gam chu gamthip, gammang, koima chenlouna anahin, achangseh’a jaan giehding

ahijeh’a chu, kivendohna ding’a akimvel’a suong ho akoi ahi. Hiche hilchetna itahsan diuva ahileh thudoh khat, Ipu’u Yacov chu mi thudih leh Pathien ging mi hilou hiya ibol’a gamsa le guul akichat ham? Pathien in eivengbit nante tia suong koi ngailouva imu jeng thei ahi. Adonbutna chu ahileh, The Talmud (Shabbat 32a), “Mikhat chun ama-le-ama thina thei dinmun’a kipedoh’a, Pathien in eihuhdoh nante ti lunggel neiya thil abol lou ding ahi, ajeh chu thilkidang hi amoh umjipoi, aumtah’a ahijongleh,

hiche pa chanmun alhomsah ji in ahi.” Ipu Yacov chu mithudih leh Pathien ging mi ahilaitah jeh’a chu, ama-le-ama hiche thina thei dinmun ho a kipedoh lou anahi. Ipu’u Yacov lunggel chu ahileh, Pathien in eihin kithopina thei lampi kihol masat ding ti ahi. Pathien komah taovin lang, Pathien katahsan e tin lang, na tonglouvin nehding thum tale chun, vaan a kuon’a annchang hung kitanglha louhiel ding ahi. Hinlah mikhat chu Pathien koma taona toh kithuo a na atoh tieng, anatohna akuona Pathien in patthei ahin buoh ding ahi. Eiman itha pat masat ding, chujou ding Pathien a kingap ding ahi. Ibolthei chan bol masat’a Pathien koma alolhinna ding’a thumna nei ding ahi. Ipu’u Yacov in jong, ajaan giena’ah, kivenna ding’in akimvel’ah suongho akoiyin, hiche akuona chu Pathien in gamsa ho akuon’a ahin venbit thei ding ahi. Eima kihambolna akuon leh Pathien koma taona akuon lolhinna kimubep ding ahi. Akihambol jouse Pathien in alolhinsah teiye. Phengmai 3 a banjom

MOHARAN 4:8 BAD TRAITS: By R. Yehudah Gin. Moharan akuon Kihilna kiti hi lekhabu a tadoh ding'a kibol ahipuon, hinlah, athulhungpi jildohtheina ding bouva kibol ahin, mikhat chun asim'a ahetna ding, hitia chu athukisei ho ahetthiem a, hiche akuona thilpha amudoh theina ding atup ahi, hinlah koitobang hamkhat chun ipi kiseina ahi ahetthei louva ahijongleh aphathouthouve. Kaseinuompen chu ahileh Likutei Moharan kiti hi asungthu agiljeh in hethahsa ahiding jong kahenai, hijengjongleh, Bnei Menashe te lhatdoh a iumna diu ti gelkhohna lunggel neipum a Likutei Moharan akuona apoimo dom ho kahinlhehdoh ahi. Ijeh inem itileh, Rabbi khenkhat in hiche thugil ho sim akuon a Israel te lhatdamna umthei ahidan asei un ahi. Keiman Likutei Moharan akuon kaladoh thupi hohin vannoi khahdohna ahinpuohlut'a adieh'a tulaitah'a Bnei Menashe ten ingaichat pen u Lhatdamna hi Pathien loupina ding'a mangangtah a ahung umloina ding ahi. Heng'e, tulaihin, Rabbi hihen Simlai hileh Judaism thugil hohi kamcheng bouvin akiseiyin ahi. Itobang'in thugil hohi mikhat chun jihdoh kigojongleh alunglhaina bang'a lolhingtah'a ajihdoh louding ahi, ajeh chu Torah lhagao kiti ajihdohjouhoi ahipoi. Moharan akuon kihilna tia isei uhin Judaism sung'a thugil niempen jong atongkha hihlaiye.

M

ihem traits phalou ho hi 4 fundamentals elements of creation toh kikaimat ahi atiu’e;

Dana (depression) hi DOMEM (non living matters) a kuona ahi atiu’in;

kkhat kithooina angaichat maithei ahi, hiche ho dinmuna chu P-thenmi Torah thempa (Tzadik) chun khatpa chu avet’a hichepa lhagao jung (spiritual root/source) dungjui a chu, a trait phaloute ho ajo thei dingdan/ a haisan thei dingdan akomu ding ahi [Note: athu che dan kans sut mai mai thu bou ahi’in ken koima lhagoa jung kahe poi, tua kisei tobang khop’a tzadik jong kahi naisai po’e].

Evil desire ho hi Tzomeakh (vegetation) a kuona;

TZADIK OF THE GENERATION:

Thu mantheilou ho (devarim batelim) Ganhing (khay) a kuona;

A tzadik of his generation (a Tzadikna’in a ma generation huhhing jou theidi khop tileohen) chu “EM” (mother) ti a het ahi, ijeh’inem? itia leh, nu in a chate anaoitui’a ava tobang a hi hiche tzadikpa jong hin a Torah hetna vah’a ama khanglaia amipite ho chu ava jeh’in. Chukit tengle lhagao pao a hi noitui/ milk = Torah (Shir hashirim bung 4)

4 FUNDMENTAL ELEMENTS OF CREATION HO CHU: 1. Domem (non- living things) 2. Tzomeakh (vegetation) 3. Khay (Animal) 4. Medaber (paothei= man)

Kiletsahna leh akilopi ho Mihem (Medaber) akuona P-then thu i’oinoma thengthou tah a himkho iman nom a ahile, hiche traits phalou ho hi paihlhah / haisan ding ahi, hitia abol theina dinga chu Torah them 2

CHARITY: Kiltsahna a kuona hi vaichatna alhung nomin, hijeh a chu Charity/Tzedakah ipehji napa hin haosatna akailut thei’e atiu’e; kiletsah na a kuona hi mi noise, mi seiset tite ho jong ahung um doh nom kei’in, hiche ho a kuona kiveng doh jou pa chun evil trait tam tah anan ahi tina ahi. Chukit tengleh charity peh hin thina a kuonin jong mi ahuhdoh thei’e atiu’e. MERE CHARITY MAY NOT BE ENOUGH BUT ONE MAY ALSO NEED TO CONFESS Mikhatpa chun Tzadik komin charity gape jeng ta jongleh, a Tzadikpa hetthei dinga aboina, achonsetna aki phondoh lou laise a chu hiche Tzadikpa chun khatpa chu alhagao jungpi dungjuia chu akisemphat ding dan advice/guide abol peh theilou lai ding ahi.

www.shavei.org

parasha banjom.... Kitahna neitah'a natoh ding

Parasha Vayitze

Donbutna kipie hohi Rashi Hilchetna akuon ahi Q. Ibol'a Torah in Yacov dalhahna mun Beersheva aminphah ham? A. Gen. 28:10 - Mithudih hon adalhahnau mun chu hetthei tah'a pannabei ahi kimudohji ahi. Q.Yacov in mang anei jan chu kum 14 sung'a aman abolkhahlou khat abol ahi, ipi ham? A. 28:11 - Jaan imu (ana imukhalou dan ahi) Q. Yacov in "Chamdiel a kahung kileding ahi" ati.Chamdiel'a ati hi ipi aseina ham? A. 28:21 - Chonsietna neilouva hung kileding atina ahi. Q. Yacov in ibol'a kelngoi ching ho apho ham? A. 29:7 - Ajeh chu kelngoi ching hochun apupau hetlou kah'a nikho aguhmang tobang amu jeh'a apho ahi. Q. Ibol'a Rachel chu kelngoi ching'a pang'a ham? A. 30:27 - Asuopi pasal pieng umnailou anahi. Q. Rachel toh akimutuo a chu Yacov ibol'a kap a ham? A. 29:11 - Khonung'a lhankhuh khat'a akivuikhom lhonlou ding amujieh'a kap ahi. Q. Ibol'a Laban chu lhaidoh'a Jacob agalamtuo ham? A. 29:13 - Ajeh chu sum tahtah hinpuonte tia atahsan jieh ahi. Q. Ibol'a Leah mit chu anguiye kiti a ham? A. 29:17 - Ajeh chu Esau toh kicheng ding'a anakigel jingjeh'a kapkap jeng ahi. Q. Yacov in ji aneiya chu kum ijat hitam? A. 29:21 - Kum 84 ahitai. Q. Pathien in Laban hieng'ah thu aseiyin, Yacov komah thilpha jong naseilou ding thilsie jong nasei lou ding ahi,ati. Ibol'a Pathien in Laban chu thilpha seiding'a jong agih ham? A. 31:24 - Ajeh chu miphalou ho akuona thilpha jong chu mithudih ho a ding'a thilsie hitheinalai ahi. Q. Bilhah toh Zilpah chu Rachel leh Leah suoh ahi. Bilhah toh Zilpah apa koi ham? A. 31:50 - Laban ahi. (Laban in athaikem ho akuon ahin acha) Q. Yacov in Israel gam ahinjot a chu koiyin ahinkilhonpi em? A. 32:1 - Eretz Israel a vantil hon ahinkilhonpi in ahi.

www.shavei.org

Tuchung parasha sung'ah kelngoi ching ho komah hitin aseiye, "Vetan, nikho saotah aumnalaiye; gancha ho inn a hoitup phat ahinaipoi. Kelngoi ho chu twi donsah unlang, ann nehsah un" Gen 29:7 Rashi in hiche thu hilchetna aneina'a chun, Jacob in kelngoi ching ho koma aseinuompen chu ahileh, apupan kelngoi ching ding'a anganseu ahin, anatohnau chung'a kitahna neitah'a na atoh uva, kilepna a phat aguhna diu tha aneipouve, tia ahilnuom ahi. Ajeh chu natong ding'a kigoi mi khat chun, anatohna mun'a kilep'a, nikho asuhmang'a, anatohnapa ajoulhepna ding thaneina aneipouve. Hiche hi guhchat toh thakhat ahi, ajeh chu anatohanpau chun nikholhingset'a toh man apieh diu ahi. Baba Metzia 93 sung'a akijihna a chun, khongah'a kinganse pa chu, jaan khovah a dap athuoh ding chuleh nilhumkeiya nisa athuohna manjat ahahsat dungjuiya tohman apiehdiu ahi. Ajeh chu khosungmi jouse chu hiche kho ngah'a pangpa chung'a kingai ahi. Talmud sung'a hibang tah'a nikhotha lo pa atohman hoitah'a piehna ding thupeh auma ahileh, eihon ibol'a Pathien in einganse nau, Ama na tohna ding'a kitahna ineithei dadiu ham. Parasha sung'a eikihil nuompen chu ahileh, inatohna mun'a kileplouva, phat guhmang louding, natohna neipan einganse bang le eitahsan bang'a anatohpieh ding ahi.

sanctity of this publication e th t c e p s Please re

3

Dana chunga kipa thuphon Saikul .Achesa dt.23-5776 nia kangailud tah kaloinu (kajinu) zl. Naomi (kimkhochong)Haokip in keile Ka innsungmi,kahoubungmi chule Ka Juda sakho juikhompi jousen eilunghempi na jallin nabon uvin nachung uva seijoulou kakipa na Shavei news mangchan kahinphon toh kilhon in Pa ‘H’in phatthei na boh Chen tao hen kakipa keima Inn sungmipa Mordecai Haokip(Saikul)

Neihin Kithopi uvin tia taona Gamtheng Eretz Israel a um ngailut umtah leh kinep pi umtah toh khompi Menashe cultural Troupe ho jouse kom ma kahin ngeh nom ule taona nom u chu ahileh Manipur a Cultural troupes ho hin November lha sung ngei a General Assembly bol ding tohgon akinei in chujong leh uniform hojong choh tei ding tohgon kanei uvin hijeh chun nang hon jong ngailut na tohlhon a tu lha sung ngei a sum le pai a neihin kithopi diu vin kahung tao uve chuleh hiche a mo eihin poh peh diu vin anoi a minchong hohin lungset tah a ngailut najal a pan neihin lah peh diu vin jong kahung tao kit uve: 1. Khaithang Amos Haokip, Ma’a lot. 2. Yosef Khaim Haokip, Migdal Ha emek. 3. Sasat Haokip, Kiryat Shmona. 4. Tamar Haokip, Beit-el. 5. Ezra Mate, Tzfat. 6. Eliezer Baite, Akko.

HILKHOT SHABBATH

Hilkhot Khatzitza be-Netilat Yadaiyim. Gershon Chongloi Khatzitza hi eipaova “daltan” hichu - thil khat leh thil khat kikah’a ipi ham khat akhenna khu ahi. Tu’a Halakha hin kisei ding ho hi, khut sil tieng, ipi pi hin, Khatzitza ahin bollam, tiho ahi. = Mikhat in akhut akisuh khah jeh'a, atomma ahileh, atom na chu, akhut asil masanga alhap lhah ngai ham?- Khut kitom chu, abang leh alhapjia, abang leh alhahji louva ahileh, alhaplhah angai poi. = Akhut chu ahanatsiet louva, amoh tomma ahileh, akhut tom na chu, khut sil masang alah doh ngai ahi. = Akhut chu ahanat jeh'a atomma ahileh, akhut tom chu,

akhut asil masanga alhap lhah ngai poi. Asil thei nachan chu asil ding ahi. Het dinga poimo chu, khut sil nadinga twi chu, Revi'it jat man tei tei ngai ahi. = Changlhah neh pet'a khut akitom chu ahung lhah mang leh, Changlhah neh chu kho ngaija, khut kitom na mun, akisil lou na mun chu, sil ding ahi. Sil jou tieng lebou, Changlhah chu neh jom thei ahi.

Kakipah e. Keima natoh khompiu, S. Yoel Haokip Chairman, Menashe Cultural Troupes. Ph no. +918974609093

Article/News penom auma ahileh Haptaseh’a Tuesday nilhum masang hiding, hiche jouva kimuho chu hapta kitleh kisuoding ahi.

SHAVEI ISRAEL ORG FOUNDER : MICHAEL FREUND Shavel Israel Office Beit Harel, 3 Am VeOlamo, Street, Suites 1&2 Jerusalem Tel: 02-625-6230/1/2 Fax: 02-625-6233 Web: www.shavei.org Email: [email protected]

EDITORIAL STAFF EDITOR - Yonathan Haokip Email : [email protected] MANIPUR CORRESPONDENT Nehmang Benjamin Haokip - Ph. 9863731857 Aharon Vaiphei - Ph. 8119041018

Jewish Wedding Dress Israel a um eimi nungah ho koitobang jinei ding a kiguong a mou von manbeiya a mangnuom na um ule Rachel Pecker (Niengcha lhungdim) na contact thei u ahi. Tulai private a mou von khel man he 3-5 thousand sekhel lang ahi tai. Rachel Pecker: Only in Israel

EMAILS ISRAEL MANIPUR MIZORAM

- [email protected] - [email protected] - [email protected]

SHAVEI ISRAEL CO-ORDINATOR TZVI KHAUTE : - [email protected] * Achung’a kipe email holah’a khatpen pen’a hi article, thusuoh leh adangdang suonuom hon hinthot thei ahi.

Phone #: 0549703968

4

www.shavei.org